Pawan Kalyan: వైరల్ అవుతున్న పవన్ హ్యాష్ ట్యాగ్.. దూరదృష్టి ఉన్న వ్యక్తంటూ?

స్టార్ హీరో పవన్ కళ్యాణ్ కు (Pawan Kalyan) ప్రేక్షకుల్లో ఊహించని స్థాయిలో క్రేజ్ ఉన్న సంగతి తెలిసిందే. పవన్ కళ్యాణ్ తాత్కాలికంగా సినిమాలకు బ్రేక్ ఇచ్చినా ఆయనను అభిమానించే ఫ్యాన్స్ సంఖ్య పెరుగుతోందే తప్ప తగ్గడం లేదు. ప్రస్తుతం సోషల్ మీడియాలో పవన్ అనే హ్యాష్ ట్యాగ్ వైరల్ అవుతోంది. మీర్జాపూర్ నటుడు పంకజ్ త్రిపాఠి (Pankaj Tripathi) పవన్ పై ప్రశంసలు కురిపిస్తూ కామెంట్లు చేయడం గమనార్హం. ఒక ఇంటర్వ్యూలో పంకజ్ మాట్లాడుతూ పవన్ కళ్యాణ్ గొప్ప నటుడని పుస్తకాలు బాగా చదువుతారని ఎంతో దూరదృష్టి ఉన్న వ్యక్తి అని చెప్పుకొచ్చారు.

Pawan Kalyan

ఈ విషయాన్ని నాకు కొందరు డైరెక్టర్లు చెప్పారని పంకజ్ త్రిపాఠి పేర్కొన్నారు. పవన్ కళ్యాణ్ కు అన్ని భాషల్లో అభిమానులు ఉన్నారని ఆయన కామెంట్లు చేశారు. పంకజ్ త్రిపాఠి చేసిన కామెంట్లు పవన్ కళ్యాణ్ అభిమానులకు ఎంతో సంతోషాన్ని కలిగిస్తున్నాయి. హరిహర వీరమల్లు సినిమా కోసం పవన్ కళ్యాణ్ ఒక పాట పాడనున్నారని ఇండస్ట్రీ వర్గాల్లో వినిపిస్తోంది.

పవన్ కళ్యాణ్ పాట పాడిన సినిమాలలో మెజారిటీ సినిమాలు సక్సెస్ సాధించిన నేపథ్యంలో హరిహర వీరమల్లు (Hari Hara Veera Mallu) విషయంలో సైతం అదే మ్యాజిక్ రిపీట్ అవుతుందని ఫ్యాన్స్ భావిస్తున్నారు. హరిహర వీరమల్లు రిలీజ్ ఆలస్యం కావడం వల్ల ఈ సినిమా బడ్జెట్ అంతకంతకూ పెరుగుతోంది. హరిహర వీరమల్లు మూవీ వచ్చే ఏడాది మార్చి నెల 28వ తేదీన థియేటర్లలో విడుదల కానుంది.

హరిహర వీరమల్లు సినిమా పాన్ ఇండియా మూవీగా రిలీజ్ కానుండగా ఇతర భాషల్లో అంచనాలు పెరుగుతున్నాయి. పవర్ స్టార్ పవన్ కళ్యాణ్ వచ్చే ఏడాది ఎన్ని సినిమాలతో ప్రేక్షకుల ముందుకు వస్తారో చూడాల్సి ఉంది. పవన్ నటించిన ఉస్తాద్ భగత్ సింగ్ (Ustaad Bhagat Singh) సినిమా నుంచి మాత్రం ఎక్కువగా అప్ డేట్స్ రావడం లేదు.

ప్లాప్ దర్శకుడికి ఛాన్స్ ఇస్తున్న సిద్దు జొన్నలగడ్డ.!