Pathaan: షారుఖ్ ఖాన్ సినిమాకి భారీ డీల్!

బాలీవుడ్ స్టార్ హీరో షారుఖ్ ఖాన్ నటించిన లేటెస్ట్ సినిమా ‘పఠాన్’. ఈ సినిమాకి సిద్ధార్థ్ ఆనంద్ దర్శకత్వం వహించారు. ఇందులో దీపికా పదుకోన్ హీరోయిన్ గా నటించింది. ఈ సినిమా జనవరి 25న ప్రపంచవ్యాప్తంగా ప్రేక్షకుల ముందుకొచ్చింది. దాదాపు నాలుగేళ్ల తరువాత షారుఖ్ ఖాన్ నటించిన సినిమా కావడంతో సినిమాపై భారీ అంచనాలు నెలకొన్నాయి. అయితే ఈ సినిమాకి మిశ్రమ స్పందన వస్తోంది. కలెక్షన్స్ పరంగా మాత్రం సినిమా సత్తా చాటుతోంది.

రిలీజ్ కు ముందే అడ్వాన్స్ బుకింగ్స్ తో రూ.50 కోట్లు రాబట్టింది. వరుసగా సెలవులు కూడా ఉండడంతో ఈ సినిమా భారీ వసూళ్లను రాబట్టడం ఖాయమని నమ్ముతున్నారు. ఇక ఈ సినిమా ఓటీటీ రైట్స్ కి సంబంధించిన న్యూస్ ఒకటి సోషల్ మీడియాలో వైరల్ అవుతోంది. ఈ సినిమాకి భారీ ఓటీటీ డీల్ ఆఫర్ చేసినట్లు తెలుస్తోంది. ప్రముఖ ఓటీటీ సంస్థ ‘పఠాన్’ డిజిటల్ రైట్స్ కోసం రూ.100 కోట్లు ఆఫర్ చేసిందట. అంత మొత్తం ఆఫర్ చేయడంతో మేకర్స్ డీల్ ఫైనల్ చేసుకున్నట్లు తెలుస్తోంది.

అయితే ఈ సినిమా ఓటీటీలోకి ఎప్పుడు వస్తుందనే విషయంలో మాత్రం క్లారిటీ లేదు. సినిమా విడుదలైన మూడు నెలల తరువాతే ఓటీటీ రిలీజ్ ఉంటుందని అంటున్నారు. అంటే ఏప్రిప్ లో ‘పఠాన్’ డిజిటల్ స్క్రీన్ పై కనిపించే ఛాన్స్ ఉంది. వరల్డ్ వైడ్ గా 7700 స్క్రీన్స్ లో విడుదలైంది ఈ సినిమా. ఇండియాలో 5200 స్క్రీన్స్ కాగా.. ఓవర్సీస్ లో మరో 2500 స్క్రీన్స్ లో విడుదలైంది.

తొలిరోజు ఈ సినిమా ఇండియన్ మార్కెట్ లో రూ.67 కోట్లు రాబట్టింది. విదేశాల్లో రూ.35 కోట్లు సాధించింది. అంటే మొదటిరోజే రూ.100 కోట్లకు పైగా కలెక్షన్స్ రాబట్టింది. ‘కేజీఎఫ్ 2’ సినిమా తొలిరోజు రూ.53 కోట్లతో రికార్డు సృష్టించింది. ఇప్పుడు ఆ రికార్డుని ‘పఠాన్’ బ్రేక్ చేసింది.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!