‘మగధీర’ చిత్రం నుండీ మెగాస్టార్ చిరంజీవి అలాగే రాంచరణ్ కలిసి స్క్రీన్ పై కనిపిస్తూనే వచ్చారు. ‘బ్రూస్ లీ’ ‘ఖైదీ నెంబర్ 150’ వంటి చిత్రాల్లో కలిసి సందడి చేసిన చిరు, చరణ్ లు త్వరలోనే ‘ఆచార్య’ చిత్రంలో కూడా మరోసారి కనిపించనున్నారు. అయితే ఈ సారి కొంచెం ఎక్కువ సేపు కనిపించనున్నారు. చిరు హీరో కాగా చరణ్ ఓ కీలక పాత్ర పోషిస్తున్నట్టు ఇటీవల దర్శకుడు కొరటాల శివ కూడా స్పష్టంచేశాడు. అంతా బానే ఉంది కానీ బాబాయ్ పవన్ కళ్యాణ్, అబ్బాయి రాంచరణ్ ను కూడా కలిపి ఒకే స్క్రీన్ పై చూడాలి అని మెగా అభిమానులు ఎంతో ఆసక్తిగా ఎదురుచూస్తున్నారు.
గతంలో చరణ్ ను హీరోగా పెట్టి ఓ చిత్రాన్ని నిర్మించాలని ఉంది అని పవన్ కళ్యాణ్ చెప్పుకొచ్చాడు. అలాగే తన సొంత బ్యానర్ లో బాబాయ్ తో సినిమా చెయ్యాలని ఉంది కూడా రాంచరణ్ తెలిపాడు. అయితే వీరిద్దరూ కలిసి ఓ చిత్రం చేసే అవకాశం ఉందా అని అడిగితే మాత్రం స్క్రిప్ట్ డిమాండ్ చేస్తే తప్పకుండా చేస్తాం అని చెప్పి ఎస్కేప్ అయిపోయారు. ఇది ఇలా ఉంటే.. పవన్, చరణ్ లు కలిసి ఓ చిత్రం చెయ్యడానికి ప్రయత్నాలు జరుగుతున్నాయని తాజా సమాచారం.
అసలు విషయం ఏమిటంటే.. మలయాళంలో సూపర్ హిట్ అయిన ‘డ్రైవింగ్ లైసెన్స్’ చిత్రం రీమేక్ రైట్స్ ను చరణ్ కొనుగోలు చేసాడు. ఈ రీమేక్ ను తన బాబాయ్ తో తెరకెక్కించాలి అని చరణ్ భావిస్తున్నాడట. ఈ చిత్రంలో ఇద్దరు హీరోలు ఉంటారు కాబట్టి చరణ్ కూడా నటించే అవకాశాలు ఉన్నాయని తెలుస్తుంది. ఒకవేళ పవన్ చెయ్యడానికి నిరాకరిస్తే వెంకటేష్ తో ఈ రీమేక్ ను తెరకెక్కించాలి అని చరణ్ భావిస్తున్నాడట.
Most Recommended Video
దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు
