డాలీ దర్శకత్వంలో పవర్ స్టార్ పవన్ కళ్యాణ్ నటిస్తున్న కాటమ రాయుడు షూటింగ్ వేగంగా జరుగుతోంది. ఇది త‌మిళం చిత్రం “వీర‌మ్” కి రీమేక్. తమిళ వెర్షన్ లో హీరో అజిత్ కి ముగ్గురు తమ్ముళ్లు ఉంటారు. అలాగే కాటమ రాయుడులో పవన్ కి తమ్ముళ్లుగా ముందుగా శర్వానంద్, విజయ దేవర కొండ, నవీన్ చంద్రలను ఎంచుకున్నారు. యువహీరోలు ప్రస్తుతం తమ సినిమాల్లో బిజీ కావడంతో పవర్ స్టార్ తో నటించే అవకాశాన్ని వదులుకున్నారు.
వెంటనే తమ్ముళ్ల వేటలో పడిన చిత్ర బృందం రెండు రోజుల్లో కొత్తవారిని సెలక్ట్ చేసింది. గబ్బర్ సింగ్ లో తమ్ముడిగా నటించిన అజయ్ తో పాటు శివబాలాజీ, ఆవకాయ్ బిర్యానీ ఫేమ్ కమల్ కామరాజులు పవన్ తమ్ముళ్లుగా సెట్ అయ్యారు. త్వరలోనే వీరు కూడా షూటింగ్ లో జాయిన్ అవుతారు. శరత్ మరార్ నిర్మిస్తున్న ఈ చిత్రంలో శృతిహాసన్, యామిని భాస్కర్ హీరోయిన్లుగా నటిస్తున్నారు. రాయలసీమ ఫ్యాక్షన్ నేపథ్యంలో తెరకెక్కుతున్న ఈ చిత్రంలో పవన్ ఫ్యాక్షనిస్ట్ గా కనిపించనున్నారు.
