బాహుబలి చిత్రంపై లేటైనా లేటెస్ట్ గా కామెంట్ చేసిన పవన్ కళ్యాణ్

బాహుబలి కంక్లూజన్ సినిమాని చూసిన సినీ ప్రముఖులు తమ ఆనందాన్ని ట్వీట్ల రూపంలో వ్యక్తం చేశారు. ఈ జాబితాలో టాలీవుడ్ మాత్రమే కాకుండా కోలీవుడ్, బాలీవుడ్ స్టార్లు కూడా ఉన్నారు.  తాజాగా ఈ సినిమాపై పవన్ కళ్యాణ్ స్పందించారు. భారతీయ సినీ చరిత్రలో తొలిసారి వెయ్యికోట్లు వసూలు చేసిన చిత్రంగా బాహుబలి నిలవడంపై అయన మాట్లాడారు.  “బాహుబలి వెయ్యికోట్లు వసూలు చేసినందుకు రాజమౌళి, ప్రభాస్ బృందానికి శుభాకాంక్షలు. ఈ సినిమా కోసం ఐదేళ్లపాటు కష్టపడిన రాజమౌళి మనందరినీ గర్వంగా తలెత్తుకునేలా చేశారు.

భవిష్యత్తులో రాజమౌళి మరిన్ని ఉన్నత శిఖరాలు అధిరోహించాలని కోరుకుంటున్నాను” అని పవన్‌ అభినందించారు. ప్రస్తుతం త్రివిక్రమ్ శ్రీనివాస్ దర్శకత్వంలో పవన్ కళ్యాణ్ నటిస్తున్నారు. వేగంగా ఈ సినిమాని కంప్లీట్ చేయాలనీ ఎండలను సైతం లెక్కచేయకుండా శ్రమిస్తున్నారు.

Also, do SUBSCRIBE to our YouTube channel to get latest Tollywood updates.