టాలీవుడ్ ఇండస్ట్రీలో కొన్ని నెలల క్రితం వరకు వరుస షూటింగ్ లతో బిజీగా ఉన్న హీరోలలో పవన్ కళ్యాణ్(Pawan Kalyan) ఒకరు. పవన్ కళ్యాణ్ ప్రస్తుతం పూర్తిస్థాయిలో పొలిటికల్ కార్యక్రమాలతో బిజీగా ఉన్నారు. అయితే ఓజీ (OG Movie) , ఉస్తాద్ భగత్ సింగ్ (Ustaad Bhagat Singh) , హరిహర వీరమల్లు (Hari Hara Veera Mallu) సినిమాలను వేగంగా పూర్తి చేయాల్సిన బాధ్యత కూడా పవన్ పై ఉందనే సంగతి తెలిసిందే. అయితే నిర్మాతలకు డేట్స్ కు సంబంధించి పవన్ స్పష్టత ఇచ్చినట్టు సమాచారం.
తాడేపల్లి చుట్టుపక్కల ప్రాంతాలలో సెట్స్ వేస్తే షూటింగ్ లను పూర్తి చేయడానికి తనకు ఎలాంటి అభ్యంతరం లేదని పవన్ నిర్మాతలకు చెప్పినట్టు తెలుస్తోంది. హరిహర వీరమల్లు, ఉస్తాద్ భగత్ సింగ్ సినిమాలకు తాడేపల్లి చుట్టపక్కల ప్రాంతాలలో సెట్స్ వేసి షూట్ చేసే అవకాశం ఉంది. ఓజీ ముంబై బ్యాక్ డ్రాప్ మూవీ కావడంతో ఈ సినిమా షూట్ విషయంలో మేకర్స్ నిర్ణయం ఎలా ఉంటుందో చూడాలి.
ఈ ఏడాది పవన్ సినిమాలు విడుదలయ్యే అవకాశం లేదని సమాచారం అందుతోంది. 2025 సంవత్సరంలో పవన్ కళ్యాణ్ సినిమాలలో ఎన్ని సినిమాలు థియేటర్లలో విడుదలవుతాయో చూడాల్సి ఉంది. బ్యాక్ టు బ్యాక్ సినిమాలతో పవన్ సత్తా చాటాలని ఫ్యాన్స్ కోరుకుంటున్నారు. పవన్ కళ్యాణ్ నుంచి కొత్త సినిమాలు మాత్రం ఆశించడం కష్టమేనని సమాచారం అందుతోంది.
ఇప్పటికే గ్రీన్ సిగ్నల్ ఇచ్చిన ప్రాజెక్ట్ లను పూర్తి చేసి పొలిటికల్ కార్యక్రమాలతో బిజీ అయ్యేలా పవన్ కళ్యాణ్ ప్లానింగ్ ఉందని భోగట్టా. పవన్ కళ్యాణ్ మూడు సినిమాలలో ఒక్కో సినిమాలో ఒక్కో తరహా లుక్ లో కనిపిస్తున్న నేపథ్యంలో ఒకే సమయంలో రెండు సినిమాలలో నటించడం సులువు కాదని అభిప్రాయాలు వ్యక్తమవుతున్నాయి. పవన్ కళ్యాణ్ రేంజ్ అంతకంతకూ పెరుగుతోంది. పవన్ కళ్యాణ్ భవిష్యత్తు సినిమాలు పాన్ ఇండియా స్థాయిలో తెరకెక్కుతున్నాయి.
