సినిమా విడుదలవుతోంది అంటే బయట తిరిగి చేసే ప్రచారం కన్నా.. సోషల్‌ మీడియాలో చేసే ప్రచారమే ఎక్కువగా ఉన్న రోజులివి. సినిమా ప్రచారం నుండి, ఆన్‌ సెట్స్‌ పిక్స్‌ వరకు, ఆ తర్వాత రీల్స్‌ నుండి పోస్ట్‌ రిలీజ్‌ ప్రమోషన్స్‌ వరకూ అన్నీ సోషల్‌ మీడియాలోనే సాగుతున్నాయి. వాటిలో ఇప్పటి తరం తారలు ఎక్కువగా వాడుతున్నది ఇన్‌స్టాగ్రామ్‌. ట్విటర్‌ అటో ఇటోగా ఉన్న ఈ సమయంలో ఇన్‌స్టాను తెగ వాడేస్తున్నారు. అయితే పవన్ అభమానులు మాత్రం ఈ విషయంలో ఇబ్బందిగానే ఉన్నారు. కారణం పవన్ ఇప్పటివరకు ఇన్‌స్టాగ్రామ్‌లో లేడు.
అయితే ఈ చింత త్వరలో తీరిపోతుంది అని సమాచారం. ఎందుకంటే పవన్ ఇన్‌స్టాగ్రామ్‌ ఎంట్రీ త్వరలో జరగబోతోందట. ఈ మేరకు ఓ అభిమాని పెట్టిన ఫొటోను మెగా బ్రదర్‌ నాగబాబు ధ్రువీకరించారు. దీంతో ఇన్‌స్టాలోకి పవర్‌ ఎంట్రీ ఇవ్వబోతోంది అంటూ కామెంట్స్ కనిపిస్తున్నాయి. అయితే ఇన్నాళ్లూ ఇన్‌స్టాగ్రామ్‌లో లేని పవన్ ఇప్పుడు ఎందుకు వస్తున్నారు అనే చర్చ ఓ వైపు నడుస్తోంది. నిజానికి ట్విటర్‌ విషయంలోనూ పవన్ పెద్దగా యాక్టివ్‌గా ఉండడు. మరిప్పుడు ఇన్‌స్టా విషయంలో ఏం చేస్తాడు అనేది మరో ప్రశ్న.
సినిమాల కోసం (Pawan Kalyan) పవన్ కల్యాణ్‌ క్రియేటివ్‌ వర్క్స్‌ అని ఓ ట్విటర్‌ పేజీ ఉంది. అయితే ఆ పేజీ ఇప్పుడు యాక్టివ్‌గా లేదు. మూడేళ్ల క్రితం అందులో పోస్ట్‌లు పెట్టారు. అంతా ఇప్పుడు పవన్ కల్యాణ్‌ ట్విటర్‌ అకౌంట్‌లోనే జరుగుతోంది. అందులో కేవలం పాలిటిక్స్‌ పోస్ట్‌లు పెట్టేవారు గతంలో. అలాంటిది ఇప్పుడు ఆయన ఇన్‌స్టాగ్రామ్‌ పేజీ పెట్టి నిర్వహిస్తారా? లేక ట్విటర్‌ తరహాలో వదిలేస్తారా అనే డౌట్‌ కూడా ఉంది. అయితే ఇప్పుడు పవన్ వరుస సినిమాలు చేస్తున్న నేపథ్యంలో ఇన్‌స్టా పేజీ ఉంటే బెటర్‌ అని అనుకున్నారని టాక్‌.
‘బ్రో’ సినిమా విడుదలకు సిద్ధంగా ఉండగా, ‘ఓజీ’, ‘ఉస్తాద్‌ భగత్‌ సింగ్‌’, ‘హరి హర వీరమల్లు’ సెట్స్‌ మీద ఉన్నాయి. ఈ అప్‌డేట్స్‌ ఫ్యాన్స్‌కి అందించడానికే పవన్ ఇన్‌స్టాలోకి వస్తున్నారని టాక్‌. అయితే ఎప్పుడు ఎంట్రీ ఇస్తుంది ఈ ఫైర్‌ స్ట్రామ్‌ అనేది చూడాలి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
