పవర్ స్టార్ పవన్ కళ్యాణ్ నటిస్తున్న ‘వకీల్ సాబ్’ చిత్రం షూటింగ్ ఇప్పటికే 80శాతం పూర్తయ్యిందని వినికిడి. నిజానికి మే నెలలోనే ఈ చిత్రం విడుదల కావాల్సి ఉంది. కానీ కరోనా వైరస్ కారణంగా ఏర్పడిన లాక్ డౌన్ వల్ల విడుదల కాలేదు. అయితే ఈ మధ్యనే షూటింగ్ ను పునః ప్రారంభించారు. పవన్ కళ్యాణ్ కూడా షూటింగ్లో జాయినయ్యారు. ఈ నేపథ్యంలో మొన్నటికి మొన్న దసరా కానుకగా చిత్ర యూనిట్ సభ్యులు ఏదైనా అప్డేట్ ఇస్తారేమో అని అభిమానులు ఎంతో ఆసక్తితో ఎదురుచూసారు.
కానీ వారు ఆశించింది ఏమీ జరగలేదు. ఇక దీపావళి కానుకగా టీజర్ వంటిది ఏమైనా రిలీజ్ చేస్తారేమో అనుకుంటే.. ఆ పరిస్థితి కూడా కనిపించడం లేదు. దీంతో పవన్ ఫ్యాన్స్ బాగా ఇరిటేట్ అవుతున్నారు. ‘అంత ఫుటేజ్ దగ్గర పెట్టుకుని కనీసం టీజర్ ను కూడా విడుదల చెయ్యలేకపోతున్నారా’ అంటూ వారు సోషల్ మీడియా వేదికగా మండిపడుతున్నారు. ‘విడుదల తేదీ విషయంలో ఎలాగూ క్లారిటీ ఇవ్వడం లేదు.. కనీసం టీజర్ ఎప్పుడు విడుదల చేసేది కూడా చెప్పకపోతే ఎలా?’ అని వారు ప్రశ్నిస్తున్నారు.
మరి ఈ విషయంలో దర్శకనిర్మాతలు ఎలా స్పందిస్తారో చూడాలి. ఇక వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్ లు నిర్మిస్తున్న సంగతి తెలిసిందే. హీరోయిన్ గా శృతీ హాసన్ నటించబోతుంది. డిసెంబర్ నుండీ శృతీ హాసన్ వకీల్ సాబ్ సెట్స్ లో జాయిన్ అవ్వనుందని సమాచారం.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
