పవన్ కూడా తమన్ ఫాలోవర్ అయ్యాడండోయ్…!

పవన్ కళ్యాణ్ ఇప్పటి వరకూ పాతిక సినిమాల్లో నటించాడు. ఆయన ఫ్యాన్ ఫాలోయింగ్ గురించి మాటల్లో చెప్పలేము. అందరి హీరోల్లా పవన్ వ్యవహార శైలి ఉండదు. అందుకే ఆయనకి ఎంతోమంది లాయల్ ఫ్యాన్స్ ఉంటారు. ఇదిలా ఉండగా.. పవన్ చేసిన పాతిక సినిమాల్లో రిపీటెడ్ మ్యూజిక్ డైరెక్టర్స్ ఉన్నారు. వీళ్ళలో ట్విట్టర్ ఎకౌంటు ఉన్న వాళ్లు దేవి శ్రీ ,అనూప్ రూబెన్స్ మాత్రమే.పవన్ తో దేవి 3 సినిమాలకు పని చేసాడు.

ఎన్నో ఫంక్షన్లలో దేవి గురించి పవన్ ఎంతో గొప్పగా మాట్లాడిన సందర్భాలు కూడా అనేకం ఉన్నాయి. అయినప్పటికీ ట్విట్టర్ లో పవన్… దేవి శ్రీ ప్రసాద్ ను ఫాలో కాలేదు. అయితే ఇంకా ఒక్క సినిమా కూడా చెయ్యని తమన్ ను మాత్రం పవన్ ఫాలో అవ్వడం మొదలు పెట్టాడు. ఈ విషయాన్ని స్వయంగా తమన్ తన ట్విట్టర్ ద్వారా తెలిపాడు. ‘ఓ ఫ్యాన్ గా ఇది నాకు చాలా గొప్ప విషయం.

ఈరోజు చాలా అద్బుతంగా స్టార్ట్ అయ్యింది. చాలా థాంక్స్ సర్… లవ్ యూ సర్” అంటూ పవన్ కళ్యాణ్ ఫాలో అవుతున్న .. నోటిఫికేషన్ ను స్క్రీన్ షాట్ తీసి పెట్టాడు తమన్. దీంతో పవన్ ను ఆయన అభిమానులు ప్రశంసలతో ముంచెత్తుతున్నారు. పవన్ ను ఇప్పటికి 3.9మిలియన్ మెంబర్స్ ఫాలో అవుతుండగా .. పవన్ మాత్రం 33 మందినే ఫాలో అవుతున్నాడు. తాజాగా ఆ లిస్టు లో తమన్ చేరడం విశేషం.

Most Recommended Video

ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్