‘ఆహా’ ఓటీటీ కోసం ‘అన్ స్టాపబుల్’ అనే టాక్ షోని హోస్ట్ చేస్తున్నాడు బాలయ్య. ఆల్రెడీ ‘సీజన్ 1’ కంప్లీట్ అయ్యింది. ఆ సీజన్ సూపర్ సక్సెస్ అయ్యింది. అయితే సీజన్ 2 మాత్రం కొంత డల్ గా మొదలైంది. పైగా ఒక ఎపిసోడ్ కు… మరో ఎపిసోడ్ కు మధ్య గ్యాప్ కూడా ఏర్పడుతుంది. ఇలాంటి తరుణంలో పాన్ ఇండియా స్టార్ ప్రభాస్ తో ఎపిసోడ్ ప్లాన్ చేశారు. ప్రభాస్ మాత్రమే కాదు గోపీచంద్ కూడా ఈ ఎపిసోడ్ లో పాల్గొనబోతున్నాడు.
ఆ ఎపిసోడ్ కోసం ప్రభాస్ అభిమానులు వేయికళ్లతో ఎదురుచూస్తున్నారు.ఈ ఎపిసోడ్లో బాలయ్య.. ‘ప్రభాస్ ను ఎలాంటి ప్రశ్నలు అడుగుతాడు.? మరీ ముఖ్యంగా అనుష్క తో రిలేషన్ గురించి బాలయ్య ఎలాంటి ప్రశ్నలు వేస్తాడు.. వాటికి ప్రభాస్ ఎలా స్పందిస్తాడు?’ అనే ఆసక్తి జనాల్లో ఉంది. ఈ ఎపిసోడ్ క్రిస్మస్ కు కానీ, న్యూ ఇయర్ కానుకగా కానీ స్ట్రీమింగ్ కానుందని సమాచారం. ఇదిలా ఉండగా.. ప్రభాస్ ఎపిసోడ్ తో పాటు ‘ఆహా’ వారు పవన్ కళ్యాణ్ ఎపిసోడ్ గురించి కూడా ప్లాన్ చేస్తున్నారు.
త్రివిక్రమ్ – పవన్ కళ్యాణ్ లతో ఈ ఎపిసోడ్ ఉండబోతుంది అని బాలయ్య పరోక్షంగా క్లారిటీ ఇచ్చారు. ఇక తాజా సమాచారం ప్రకారం.. ‘అన్ స్టాపబుల్’ సీజన్ 2 కి రావడానికి పవన్ కళ్యాణ్ ఓకే చెప్పారట. త్వరలోనే ఎపిసోడ్ కు ప్లాన్ చేస్తున్నారు. ఇప్పటివరకు పవన్ కళ్యాణ్.. సినిమా ప్రమోషన్లలో తప్ప .. టాక్ షోలు వంటి వాటికి హాజరైంది లేదు. ఒకవేళ బాలయ్య షోకి వస్తే..
‘ఎలాంటి కాంట్రవర్సీల ప్రశ్నలు బాలయ్య పవన్ ను అడుగుతాడు.? అనే ఆసక్తి వాళ్ళ అభిమానుల్లో ఉంది. ఉదయ్ కిరణ్, పరిటాల రవి, రేణు దేశాయ్, పూనమ్ కౌర్ వంటి వారి గురించి కొంతమంది పవన్ కళ్యాణ్ ను ట్రోల్ చేస్తూ ఉంటారు. అలాంటి టాపిక్ ల పై పవన్ ను బాలయ్య ప్రశ్నిస్తే.. పవన్ ఎలాంటి సమాధానాలు చెబుతాడు? అనే ఆసక్తి కూడా అభిమానుల్లో నెలకొంది. చూడాలి మరి.. ఇలాంటి ఎపిసోడ్ ను ఆహా వారు ఎప్పుడు ప్లాన్ చేస్తారో?
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home