పవన్ ప్రజల్లోకి వెళ్లే సమయం దగ్గరపడింది

పవర్ స్టార్ పవన్ కళ్యాణ్ ప్రస్తుతం సినీ నటుడు మాత్రమే కాదు.. జనసేన పార్టీ అధ్యక్షుడు. ప్రజల బాగుకోసం, వారి కష్టాల విముక్తికోసం నేతగా మారారు. 2019 ఎన్నికలు టార్గెట్ గా రంగంలోకి దిగుతున్నారు. అయితే అప్పటిలోపున ఎక్కువ సినిమాలు చేసి సొంత డబ్బుతో పార్టీని నడిపించాలని భావిస్తున్నారు. అందుకే వరుసగా సినిమాలకు ఒకే చెప్పారు. ప్రస్తుతం త్రివిక్రమ్ దర్శకత్వంలో సినిమా చేస్తున్నారు. ఈ సినిమా షూటింగ్ రామోజీ ఫిలిం సిటీలో జరుగుతోంది. దీని తర్వాత తమిళ దర్శకుడు ఆర్ టీ నేసన్ దర్శకత్వంలో సినిమా చేయాలి. ఏ.ఎం.రత్నం నిర్మించనున్న ఈ ప్రాజక్ట్ ఎప్పుడో లాంఛనంగా ప్రారంభమయింది. దీంతో పాటు సంతోష్ శ్రీనివాస్ దర్శకత్వంలో నటించడానికి గ్రీన్ సిగ్నల్ ఇచ్చినట్లు తెలిసింది.

మైత్రీ మూవీస్ నిర్మించనున్న ఈ మూవీ వివరాలు అధికారికంగా త్వరలో ప్రకటించనున్నారు. ఈ మూడు సినిమాలకు కేవలం 8 నెలలు మాత్రమే సమయం ఉంది. ఎందుకంటే వచ్చే సంవత్సరం మార్చి నుంచి పవన్ ప్రజల్లోకి వెళ్లనున్నట్లు జనసేన పార్టీ వైస్ ప్రెసిడెంట్ మహేందర్ రెడ్డి స్పష్టం చేశారు. జనసేన పార్టీని పటిష్టం చేయనున్నట్లు వెల్లడించారు. సో తాత్కాలికంగా నటనకు బ్రేక్ ఇవ్వనున్నారు. అప్పటి లోపున మూడు సినిమాలు పూర్తి అవుతాయా? లేదా? అనేది సస్పెన్స్ గా మారింది.

Also, do SUBSCRIBE to our YouTube channel to get latest Tollywood updates.