Pawan Kalyan: ‘హరిహర వీరమల్లు’.. ఫ్యాన్స్ కోసం స్పెషల్ వీడియో!

పవర్ స్టార్ పవన్ కళ్యాణ్ ప్రధాన పాత్రలో దర్శకుడు క్రిష్ రూపొందిస్తోన్న సినిమా ‘హరిహర వీరమల్లు’. నిజానికి ఈ సినిమా ఎప్పుడో మొదలైంది కానీ ఇప్పటివరకు షూటింగ్ పూర్తి చేసుకోలేకపోయింది. పవన్ వేరే ప్రాజెక్ట్స్ తో బిజీ అవ్వడమే దీనికి కారణం. ఇప్పుడు ‘హరిహర వీరమల్లు’ సినిమా షూటింగ్ ను పూర్తి చేయనున్నారు పవన్. రెండు, మూడు రోజులుగా ఈ సినిమా సెట్స్ లో తీసుకున్న ఫొటోలు సోషల్ మీడియాలో చక్కర్లు కొడుతున్నాయి.

ఈ సినిమాలో పవన్ కళ్యాణ్ బందిపోటు పాత్రలో కనిపించబోతున్నారు. దీనికోసం కత్తిసాము నేర్చుకుంటున్నారు. తాజాగా చిత్రబృందం పవన్ కళ్యాణ్ కత్తిసాము శిక్షణ తీసుకుంటున్న వీడియోను షేర్ చేసింది. ఇందులో పవన్ కళ్యాణ్ తన స్కిల్స్ తో ఆకట్టుకుంటున్నారు. చివర్లో ఆయన గాల్లోకి ఎగిరి చేసే ఫీట్ మాములుగా లేదు. ఈ వీడియో పవన్ ఫ్యాన్స్ ను విపరీతంగా ఆకట్టుకుంటుంది. పవన్ సినిమా కోసం ఎంత కష్టపడతాడో ఈ వీడియోనే నిదర్శనమని కామెంట్స్ చేస్తున్నారు.

మొత్తానికి చిత్రబృందం ఈ వీడియోతో ఫ్యాన్స్ ను భలే సర్ప్రైజ్ చేసింది. ప్రస్తుతం ఈ వీడియో సోషల్ మీడియాలో వైరల్ అవుతోంది. ఇక ఈ సినిమాలో నిధి అగర్వాల్ ను హీరోయిన్ గా తీసుకున్నారు. ఇందులో ఆమె రాకుమారి పాత్రలో కనిపించనుంది. అలానే బాలీవుడ్ ముద్దుగుమ్మ నర్గీస్ ఫక్రి కీలకపాత్ర పోషిస్తుంది. మెగా సూర్య ప్రొడక్షన్స్ బ్యానర్ పై ప్రముఖ నిర్మాత ఏఎం రత్నం ఈ సినిమాను నిర్మిస్తున్నారు.

ఎం.ఎం. కీరవాణి ఈ సినిమాకి సంగీతం అందిస్తున్నారు. సాయి మాధవ్ బుర్రా డైలాగ్ రైటర్ గా పని చేస్తున్నారు. తెలుగుతో పాటు హిందీ, తమిళ, మలయాళ భాషల్లో ఈ సినిమాను విడుదల చేయనున్నారు.

1

2

3

4

5

‘ఆర్.ఆర్.ఆర్’ మూవీ నుండీ అదిరిపోయే 20 డైలాగులు..!

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!