దాదాపు రెండు దశాబ్దాల క్రితమే హీరోగా కెరీర్ ను మొదలుపెట్టిన పవన్ కళ్యాణ్ కొన్నేళ్ల క్రితం వరకు ఏడాదికి ఒక సినిమాలో మాత్రమే నటించగా ప్రస్తుతం వేగం పెంచారు. పవన్ కళ్యాణ్ హీరోగా హరీష్ శంకర్ డైరెక్షన్ లో తెరకెక్కుతున్న మైత్రీ మూవీ మేకర్స్ బ్యానర్ లో తెరకెక్కుతున్న 28వ సినిమా ఫస్ట్ లుక్, టైటిల్ ఉగాది పండుగ సందర్భంగా రిలీజ్ కావాల్సి ఉన్నా కొన్ని కారణాల వల్ల రిలీజ్ కాలేదనే సంగతి తెలిసిందే.
ఈ సినిమా ఫస్ట్ లుక్, టైటిల్ ఇండిపెండెన్స్ డే సందర్భంగా లేదా పవన్ కళ్యాణ్ పుట్టినరోజు సందర్భంగా రిలీజయ్యే అవకాశాలు ఉన్నాయని సమాచారం. గబ్బర్ సింగ్ కాంబో రిపీట్ కానుండటంతో ఈ కాంబినేషన్ పై అంచనాలు మామూలుగా లేవు. మరోవైపు ఈ సినిమా ఫ్యాన్ మేడ్ పోస్టర్లు సోషల్ మీడియాలో తెగ వైరల్ అవుతున్న సంగతి తెలిసిందే. ఫ్యాన్ మేడ్ పోస్టర్లు ఒరిజినల్ పోస్టర్లలా ఉండటంతో పవన్ అభిమానులు సైతం గందరగోళానికి గురవుతున్నారు.
ఈ సినిమాకు సంచారి అనే టైటిల్ వినిపించగా మేకర్స్ ఈ టైటిల్ నే ఫిక్స్ చేస్తారో లేదో చూడాల్సి ఉంది. హరీష్ శంకర్ ఈ సినిమాలో ఎంటర్టైన్మెంట్ కు ప్రాధాన్యత ఇస్తూనే ఎమోషనల్ మెసేజ్ కూడా ఉండేలా జాగ్రత్తలు తీసుకుంటున్నారని సమాచారం. ఈ సినిమాలో దేశభక్తి షేడ్స్ కూడా ఉంటాయని ప్రచారం జరుగుతుండగా ఆ ప్రచారంలో నిజానిజాలు తెలియాలంటే కొన్నిరోజులు ఆగాల్సిందే. ఆగష్టులో ఈ మూవీ షూటింగ్ మొదలయ్యే అవకాశాలు ఉన్నాయని సమాచారం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home