పవర్ స్టార్ పవన్ కళ్యాణ్ ప్రస్తుతం ఒకవైపు రాజకీయాలతో మరోవైపు సినిమాలతో బిజీగా ఉండగా బ్రో మూవీ థియేట్రికల్ రిలీజ్ కు మరో 7 రోజుల సమయం మాత్రమే ఉంది. పవన్ పొలిటికల్ కార్యక్రమాలతో బిజీగా ఉన్న నేపథ్యంలో బ్రో సినిమా ప్రీ రిలీజ్ ఈవెంట్ మినహా ప్రమోషన్స్ కు హాజరయ్యే అవకాశం లేదని కామెంట్లు వ్యక్తమవుతున్నాయి. అయితే పవన్ 2024 ఎన్నికల్లో ఎక్కడినుంచి పోటీ చేస్తారనే ప్రశ్న ఈ మధ్య కాలంలో ఎక్కువగా వినిపిస్తోంది.
అయితే ఈ ప్రశ్నకు సంబంధించి సమాధానం దొరికేసింది. పవన్ 2024 ఎన్నికల్లో కూడా రెండు నియోజకవర్గాల్లో పోటీ చేయనున్నారని ఈ నియోజకవర్గాల్లో ఒక నియోజకవర్గం భీమవరం అని సమాచారం. గత ఎన్నికల్లో భీమవరంలో పవన్ కు షాక్ తగిలినా ఈసారి మాత్రం అనుకూల ఫలితాలు వచ్చే ఛాన్స్ ఉందని తెలుస్తోంది. పవన్ గాజువాక లేదా పిఠపురంలలో మరో నియోజకవర్గాన్ని ఎంచుకునే ఛాన్స్ అయితే ఉంది.
పవన్ కళ్యాణ్ ఎక్కడినుంచి పోటీ చేసినా వచ్చే ఎన్నికల్లో తిరుగుండదని అభిప్రాయాలు వ్యక్తమవుతున్నాయి. ఈసారి ఎన్నికల్లో పవన్ కళ్యాణ్ చరిత్ర సృష్టించాలని ఫ్యాన్స్ భావిస్తున్నారు. పవన్ కళ్యాణ్ టీడీపీ, బీజేపీలతో జనసేన పొత్తు దిశగా అడుగులు వేస్తుండగా రాబోయే రోజుల్లో ఏం జరుగుతుందో చూడాలి. పవన్ కళ్యాణ్ పొలిటికల్ గా సంచలనాలు సృష్టిస్తాడని ఫ్యాన్స్ ఫీలవుతున్నారు.
పవన్ కళ్యాణ్ (Pawan Kalyan) ఇప్పటికే ప్రకటించిన సినిమాలు వచ్చే ఏడాది చివరి నాటికి పూర్తవుతాయని పవన్ పుట్టినరోజున కొత్త సినిమాలకు సంబంధించిన ప్రకటన వచ్చే ఛాన్స్ అయితే ఉందని తెలుస్తోంది. యంగ్ డైరెక్టర్లు, ఒకటి రెండు సినిమాల అనుభవం ఉన్న డైరెక్టర్లకు పవన్ ఎక్కువగా అవకాశాలను ఇస్తున్నారు. పవన్ భవిష్యత్తు సినిమాలు పాన్ ఇండియా ప్రాజెక్ట్ లుగా తెరకెక్కుతున్నాయని తెలుస్తోంది. పవన్ కు ఇతర భాషల్లో కూడా ఫ్యాన్ ఫాలోయింగ్ పెరుగుతోంది.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
