నితిన్ – పవన్ కళ్యాణ్ అనగానే.. వారి అభిమానుల మొహంలో ఓ చిరునవ్వు వస్తుంది అనడంలో అతిశయోక్తి లేదు. ఎందుకంటే పవన్ కళ్యాణ్ కి నితిన్ డై హార్డ్ ఫ్యాన్ కాబట్టి..! అలాంటిది నితిన్ సినిమా హౌస్ ఫుల్ అయితే పవన్ కళ్యాణ్ సినిమా దిక్కవ్వడం ఏంటి? అనే డౌట్ ఎవరికైనా వస్తుంది. అది తెలుసుకోవాలంటే మనం 2004 కి వెళ్ళాలి. ఆ ఏడాది సెప్టెంబర్ నెలలో పవన్ కళ్యాణ్ నటించిన ‘గుడుంబా శంకర్’ , నితిన్ నటించిన ‘సై’ సినిమాలు రిలీజ్ అయ్యాయి.
‘గుడుంబా శంకర్’ సినిమాకి వీర శంకర్ దర్శకుడు. సెప్టెంబర్ 10 న రిలీజ్ అయిన ఈ సినిమా మొదటి షోతోనే మిక్స్డ్ రెస్పాన్స్ ను మూటగట్టుకుంది. అయినప్పటికీ (Pawan Kalyan) పవన్ కళ్యాణ్ కి ఉన్న ఇమేజ్ వల్ల 4 వారాల వరకు బాక్సాఫీస్ వద్ద మెరుపులు మెరిపించింది. ఇక నితిన్ హీరోగా ఎస్.ఎస్.రాజమౌళి దర్శకత్వంలో రూపొందిన ‘సై’ సినిమా సెప్టెంబర్ 23న రిలీజ్ అయ్యింది. అంటే నేటితో ఈ సినిమా రిలీజ్ అయ్యి 19 ఏళ్ళు పూర్తికావస్తోందన్న మాట.
మొదట ఈ సినిమా పై అంచనాలు లేవు. కానీ మొదటి షోతోనే సూపర్ హిట్ టాక్ ను సొంతం చేసుకుంది. దీంతో వీకెండ్ వరకు ఈ సినిమా హౌస్ఫుల్ కలెక్షన్స్ తో దుమ్ము లేపింది. అదే టైంలో ఈ సినిమాకి టికెట్లు దొరకని వాళ్లంతా ‘గుడుంబా శంకర్’ సినిమాకి వెళ్లడం జరిగింది. దానికి ముందు రోజు వరకు డల్ గా ఉన్న ‘గుడుంబా శంకర్’ కలెక్షన్లు … నితిన్ సినిమా వల్ల పెరగడం జరిగింది. ఆ వీకెండ్ ‘గుడుంబా శంకర్’ ఓకే అనిపించే కలెక్షన్స్ తో రన్ ముగించుకుంది.
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
