క్రిష్ డైరెక్షన్ లో పవన్ హీరోగా తెరకెక్కుతున్న హరిహర వీరమల్లు సినిమా భారీ బడ్జెట్ తో తెరకెక్కుతున్న సంగతి తెలిసింది. వచ్చే ఏడాది సంక్రాంతికి రిలీజ్ కావాల్సిన ఈ సినిమా సమ్మర్ కు వాయిదా పడినట్లు తాజాగా ప్రకటన వెలువడింది. 2022 సంవత్సరం ఏప్రిల్ 29వ తేదీన ఈ సినిమాను రిలీజ్ చేయనున్నామని మేకర్స్ ప్రకటించారు. అయితే ఎన్టీఆర్ కొరటాల శివ కాంబినేషన్ మూవీ రిలీజ్ డేట్ కూడా ఇదే కావడం గమనార్హం.
హరిహర వీరమల్లు మూవీ షూటింగ్ ఇప్పటికే కొంతభాగం పూర్తి కాగా ఎన్టీఆర్ కొరటాల శివ కాంబో మూవీ షూటింగ్ మొదలు కావాల్సి ఉంది. త్వరలోనే కొరటాల శివ మూవీ షూటింగ్ లో ఎన్టీఆర్ పాల్గొననున్నారు. వచ్చే ఏడాది సమ్మర్ నాటికి ఈ రెండు సినిమాల షూటింగ్, పోస్ట్ ప్రొడక్షన్ పనులు పూర్తైతే మాత్రం బాక్సాఫీస్ వద్ద ఎన్టీఆర్, పవన్ కళ్యాణ్ పోటీ పడక తప్పదు. ఈ రెండు సినిమాలు పాన్ ఇండియా సినిమాలే కావడం గమనార్హం.
ఆచార్య మూవీ షూటింగ్ ఆలస్యం కావడంతో ఎన్టీఆర్ తర్వాత సినిమా షూటింగ్ ను వేగంగా పూర్తి చేయాలని కొరటాల శివ భావిస్తున్నారు. మరోవైపు దర్శకుడు క్రిష్ సినిమాలను వేగంగా తెరకెక్కిస్తారనే సంగతి తెలిసిందే. ప్రస్తుతం అయ్యప్పనుమ్ కోషియమ్ రీమేక్ భీమ్లా నాయక్ షూటింగ్ లో పాల్గొంటూ బిజీగా ఉన్న పవన్ కళ్యాణ్ ఈ సినిమా షూటింగ్ పూర్తైన వెంటనే క్రిష్ సినిమాకు డేట్లు ఇవ్వనున్నారు. సమ్మర్ కు రిలీజ్ చేస్తే రికార్డు స్థాయిలో కలెక్షన్లు రాబట్టవచ్చని భావించి హరిహర వీరమల్లు మేకర్స్ ఈ డేట్ కు ఫిక్స్ అయ్యారని తెలుస్తోంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
