పవన్ సినిమాలో ఆ కోలీవుడ్ స్టార్ హీరో…!

April 27, 2020 / 05:48 PM IST

Join Us

పవర్ స్టార్ పవన్ కళ్యాణ్ ప్రస్తుతం ‘వకీల్ సాబ్’ చిత్రం చేస్తున్న సంగతి తెలిసిందే. వేణూ శ్రీరామ్ డైరెక్ట్ చేస్తున్న ఈ చిత్రానికి దిల్ రాజు, బోణి కపూర్ లు నిర్మాతలు. ఈ చిత్రంతో పాటు క్రిష్ డైరెక్షన్లో కూడా పవన్ ఓ చిత్రం చేస్తున్నాడు. ఈ చిత్రానికి ‘విరూపాక్షి’ లేదా ‘విరూపాక్ష’ అనే టైటిల్స్ అనుకుంటున్నారు. పాన్ ఇండియా చిత్రంగా ఈ ప్రాజెక్ట్ ను మొదలు పెట్టారు. ఏ.ఎం.రత్నం ఈ చిత్రానికి నిర్మాత.

‘కోహినూర్ వజ్రం చుట్టూ ఈ చిత్రం కథ’ తిరుగుతుంది. పీరియాడిక్ డ్రామా అన్న మాట. పవన్ బందిపోటు అవతారంలో కనిపిస్తాడు. అయితే పాన్ ఇండియా ప్రాజెక్ట్ కాబట్టి ఈ చిత్రంలో పరభాషా నటుల్ని కూడా తీసుకుంటున్నారు.అందుతున్న సమాచారం ప్రకారం.. కోలీవుడ్ స్టార్ హీరో శివ కార్తికేయన్ ను ఈ చిత్రంలో కీలక పాత్రకు తీసుకున్నట్టు తెలుస్తుంది. తమిళంలో సూపర్ స్టార్ రేంజ్ లో దూసుకుపోతున్న శివ కార్తికేయన్ కు తెలుగులో కూడా ఫ్యాన్స్ ఉన్నారు.

Allu Arjun Following Jr NTR

‘కౌసల్య కృష్ణమూర్తి’ చిత్రంలో కూడా ఈయన కీలక పాత్ర పోషించాడు. ‘రెమో’ ‘సీమరాజా’ చిత్రాలు కూడా ఇక్కడ బాగానే ఆడాయి. ఎప్పటి నుండో స్ట్రైట్ తెలుగు సినిమాలో నటించాలి అని శివ కార్తికేయన్ ఎదురుచూస్తున్నాడు. ఇప్పుడు ఏకంగా పవన్ కళ్యాణ్ సినిమా ద్వారా లాంచ్ అవ్వడం అంటే అతని అదృష్టం అనే చెప్పాలి. అయితే పవన్ సినిమా నిర్మాతలు ఈ విషయాన్ని అధికారికంగా ప్రకటించాల్సి ఉంది.