పవర్ స్టార్ పవన్ కళ్యాణ్ కు సోషల్ మీడియాలో ఏ రేంజ్ లో ఫ్యాన్ ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. ఒకవైపు రాజకీయ నేతగా, మరోవైపు సినీ నటుడిగా పవన్ కళ్యాణ్ సత్తా చాటుతున్న సంగతి తెలిసిందే. పవన్ కళ్యాణ్ ప్రస్తుతం ఉస్తాద్ భగత్ సింగ్ సినిమాలో నటిస్తుండగా ఈ సినిమాలో పవన్ కళ్యాణ్ పోలీస్ ఆఫీసర్ గా కనిపిస్తున్నారు. ఈ సినిమా షూటింగ్ శరవేగంగా జరుగుతోందని తెలుస్తోంది.
అయితే తాజాగా ఉస్తాద్ భగత్ సింగ్ సెట్స్ నుంచి పవన్ లుక్ లీక్ కాగా ఈ లుక్ నెటిజన్లను ఎంతగానో ఆకట్టుకుంటోంది. లుంగీ కట్టులో పవన్ కళ్యాణ్ కొత్తగా కనిపిస్తుండటం సోషల్ మీడియాలో హాట్ టాపిక్ అవుతోంది. పవర్ స్టార్ పవన్ కళ్యాణ్ వయస్సు పెరుగుతున్నా మరింత ఎనర్జీతో కనిపిస్తున్నారని నెటిజన్ల నుంచి కామెంట్లు వ్యక్తమవుతూ ఉండటం గమనార్హం. ఈ సినిమాలో శ్రీలీల హీరోయిన్ గా నటిస్తున్నట్టు తెలుస్తోంది.
పవన్ శ్రీలీల జోడీ బాగుంటుందని నెటిజన్ల నుంచి కామెంట్లు వ్యక్తమవుతున్నాయి. గబ్బర్ సింగ్ సినిమా తర్వాత అదే కాంబినేషన్ లో ఈ సినిమా తెరకెక్కుతుండగా ఈ సినిమాకు పవన్ కళ్యాణ్ 90 రోజుల డేట్స్ ఇచ్చారని బోగట్టా. దేవిశ్రీ ప్రసాద్ ఈ సినిమాకు మ్యూజిక్ అందిస్తుండటంతో ఈ సినిమాపై అంచనాలు మరింత పెరుగుతున్నాయి. 2024 సంక్రాంతి పండుగ టార్గెట్ గా ఈ సినిమా తెరకెక్కుతోంది.
లైట్ గడ్డంతో పవన్ కొత్త లుక్ లో కనిపిస్తున్నారు. హరీశ్ శంకర్ పవన్ కళ్యాణ్ కు వీరాభిమాని కాగా హరీశ్ శంకర్ పవన్ ను కొత్తగా చూపించనున్నారని తెలుస్తోంది. పవన్ ఈ ఏడాది మూడు సినిమాల షుటింగ్ లను పూర్తి చేయనున్నారని తెలుస్తోంది. వరుస ప్రాజెక్ట్ లతో బిజీగా ఉన్న పవన్ 12 నెలల గ్యాప్ లో మూడు సినిమాలను థియేటర్లలో రిలీజ్ చేయనున్నారని ఇండస్ట్రీ వర్గాల్లో వినిపిస్తోంది.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
Home