Pawan Kalyan: బ్రో సినిమాలో పవన్ పాత్ర నిడివి.. అభిమానుల రియాక్షన్ ఎలా ఉంటుందో!

July 15, 2023 / 03:11 PM ISTByFilmy Focus

Join Us

Pawan Kalyan: బ్రో సినిమాలో పవన్ పాత్ర నిడివి.. అభిమానుల రియాక్షన్ ఎలా ఉంటుందో!

పవన్ కళ్యాణ్… తన మేనల్లుడు సాయి ధరమ్ తేజ్ తో కలిసి చేసిన ‘బ్రో’ సినిమా ఈ నెల అంటే జూలై 28 న విడుదల కాబోతోంది. ఇందులో కాలం రూపం ధరించుకొని వస్తే ఎలా ఉంటుందో పవన్ కళ్యాణ్ అలా కనిపించబోతున్నారు.తమిళంలో హిట్టైన ‘వినోదయ సీతమ్’ కి రీమేక్ గా తెరకెక్కుతున్న సినిమా కాబట్టి తెలుగులో కూడా మంచి అంచనాలు ఉన్నాయి. చాలా వరకు సినిమా షూటింగ్ కంప్లీట్ అయ్యింది.

ఒరిజినల్ తో పోలిస్తే తెలుగులో చాలా మార్పులు చేశారు. మాటల మాంత్రికుడు త్రివిక్రమ్ ఈ సినిమాకి కథ, మాటలు, స్క్రీన్ ప్లేని అందిస్తున్నారు. టీజర్ ఇటీవల రిలీజ్ అయ్యింది. దీనికి మంచి రెస్పాన్స్ లభించింది. ఇదిలా ఉండగా.. బ్రో చిత్రానికి పవన్ కళ్యాణ్ 18 రోజుల కాల్ షీట్స్ ఇచ్చారు. అప్పుడు ఈ సినిమాలో ఆయన పాత్ర ఎంతసేపు ఉంటుంది అనే డౌట్ అందరిలోనూ ఉంది.అందుతున్న సమాచారం ప్రకారం.. ఈ సినిమాలో పవన్ కళ్యాణ్ పాత్ర 90 నిమిషాల పాటు ఉంటుందట.

మొదటి 20 నిమిషాలు (Pawan Kalyan) పవన్ పాత్ర కనిపించదట. అటు తర్వాత ఆయన పాత్ర ఎంట్రీ ఉంటుందని తెలుస్తుంది. అతని పాత్రకి ఫైట్స్ ఉండవు అని కొంతమంది అంటుంటే. ఒక ఫైట్ ఉంటుందని మరికొంతమంది అంటున్నారు. మై నేమ్ ఈజ్ మార్కండేయ పాట మాత్రమే పవన్ కళ్యాణ్ కోసం తీసారట. మరొకటి తేజు… హీరోయిన్ కి మధ్య వచ్చే రొమాంటిక్ సాంగ్ అని తెలుస్తుంది.