సినిమా మొదలుపెట్టకముందే రిలీజ్ డేట్లు చెప్పేవారు ఒకప్పుడు. అయితే మన దగ్గర ఇలాంటివి తక్కువ కానీ.. బాలీవుడ్లో ఎక్కువగా ఉండేవి. అయితే కరోనా పరిస్థితుల తర్వాత.. మొత్తంగా మారిపోయింది. ఏ సినిమా కూడా అనుకున్న సమయానికి రావడం లేదు. దీంతో సినిమా రిలీజ్ డేట్ చెబితే నమ్మకలేకపోతున్నారు. పూర్తయి, విడుదలకు సిద్ధమైన సినిమాల తేదీల విషయంలోనూ అంతే. అలాంటిది షూటింగ్ మొదలుపెట్టి రెండు రోజులే అయిన సినిమా రిలీజ్ డేట్ చెబితే నమ్మగలరా? కానీ ఓ సినిమా డేట్ అలా బయటకు వచ్చింది.
పవన్ కల్యాణ్ – సాయితేజ్ ప్రధాన పాత్రల్లో సముద్రఖని ఓ సినిమా తెరకెక్కిస్తున్నారు. తమిళంలో ఆయనే నటించి రూపొందించిన ‘వినోదాయ చిత్తాం’ సినిమాకు ఇది రీమేక్. త్రివిక్రమ్ అన్నీ తానై ఈ రీమేక్ను ముందుకు నడిపిస్తున్నారని టాక్. ఈ సినిమా ఇటీవల ముహూర్తం జరుపుకుంది. ఆ రెండో రోజే రెగ్యులర్ షూటింగ్ కూడా మొదలైంది. మరో మూడు వారాల్లో పవన్ పాత్ర షూటింగ్ కూడా అయిపోతుంది. ఈ నమ్మకంతో ఏమో సినిమా రిలీజ్కి ముహూర్తం కూడా పెట్టేశారని టాక్.
అన్నీ అనుకున్నట్లుగా జరిగితే సినిమాను ఆగస్టు రెండో వారం లేదా నాలుగో వారంలో రిలీజ్ చేస్తారని సమాచారం. ప్రస్తుత ప్లానింగ్ ప్రకారం అయితే జూలై ఆఖరులోగా షూటింగ్ మొత్తాన్ని కంప్లీట్ చేయాలని టార్గెట్ పెట్టుకున్నారట. అయితే పవన్ సినిమాలు ఏవీ అనుకున్నది అనుకున్నట్లు ముందుకు వెళ్లడం లేదు. దీంతో ఇంత ఎర్లీగా బయటకొచ్చిన రిలీజ్ డేట్ను నమ్మలేకపోతున్నారు ఫ్యాన్స్. అయితే అంతా పక్కాగా ప్లాన్ చేసుకొని చేస్తున్నారని.. కాబట్టి ఆగస్టు రిలీజ్ పక్కా అంటున్నారు.
ఇక సినిమా కథ విషయానికొస్తే.. అనుకోకుండా ప్రమాదంలో కన్నుమూసిన ఓ వ్యక్తికి దేవుడు సెకండ్ ఛాన్స్ ఇస్తే ఏం జరిగిందనేది పాయింట్. ఈ సినిమాకు ‘దేవర’, ‘దేవుడు’ అనే పేర్లు పరిశీలనలతో ఉన్నట్లు టాక్. పవన్ పార్ట్ షూటింగ్ అయిపోగానే సినిమా టైటిల్ విత్ లుక్ రిలీజ్ చేస్తారని సమాచారం
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
