చేనేత బ్రాండ్ అంబాసిడర్లుగా పవన్ కళ్యాణ్, సమంత!

యువ సామ్రాట్ నాగ చైతన్యతో నిశ్చితార్ధం జరిగిన ఆనందంలో ఉన్న టాలీవుడ్ క్యూట్ బ్యూటీ సమంతకు మరో అరుదైన గౌరవం లభించింది. తెలుగు రాష్ట్రాల్లోని చేనేత కుటుంబాల జీవన పరిస్థితులు మెరుగుపడటానికి చేనేతకు బ్రాండ్ అంబాసిడర్‌గా అక్కినేని వారి కోడ‌లు ఎంపికైంది. తెలంగాణ రాష్ట్ర చేనేత‌కు బ్రాండ్ అంబాసిడ‌ర్ గా ఉండ‌టానికి ఒప్పుకున్నందుకు సమంతకు తెలంగాణ రాష్ట్ర ఐటీ మంత్రి కేటీఆర్ ట్విట్ట‌ర్ వేదిక‌గా థ్యాంక్స్ చెప్పారు. అందుకు “అది నా బాధ్య‌త‌.

నా మీదున్న కొత్త బాధ్య‌త‌కు ప‌ని చేయ‌డానికి ఎంతో ఆతృత‌తో ఉన్నాను” అంటూ ఆమె రీ ట్వీట్ చేశారు. కొన్ని రోజులు క్రితం ఆంధ్ర‌ప్ర‌దేశ్ రాష్ట్ర చేనేత‌కు బ్రాండ్ అంబాసిడ‌ర్ గా పవర్ స్టార్, జనసేన పార్టీ అధినేత ప‌వ‌న్ క‌ళ్యాణ్ సెలక్ట్ అయిన సంగతి తెలిసిందే. ఇలా బావ మరదళ్లు.. (అత్తారింటికి దారేది సినిమాలోని వ‌రుస ప్ర‌కారం) చేనేత పరిశ్రమను ఆదుకునేందుకు ముందుకు రావడం చేనేత కార్మికుల్లో ఆనందాన్ని నింపుతోంది. ఇక తమ జీవితాలు బాగుపడుతాయని వారు సంతోషం వ్యక్తం చేస్తున్నారు.

Also, do SUBSCRIBE to our YouTube channel to get latest Tollywood updates.