Akira Nandan: థియేటర్లో బ్రో సినిమాని చూసిన అకీరా… చుట్టుముట్టిన అభిమానులు!

భీమ్లా నాయక్ సినిమా తర్వాత పవన్ కళ్యాణ్ నటించిన చిత్రం బ్రో. ఈ సినిమా ఎన్నో అంచనాల నడుమ నేడు ప్రేక్షకుల ముందుకు వచ్చింది. పవన్ కళ్యాణ్ సాయి ధరంతేజ్ కాంబినేషన్లో ప్రేక్షకుల ముందుకు వచ్చిన ఈ సినిమా అన్ని ప్రాంతాలలోనూ పాజిటివ్ టాక్ సొంతం చేసుకుంది. ఇక ఈ సినిమా థియేటర్లలో ప్రదర్శితమవుతున్న నేపథ్యంలో ఎంతో మంది అభిమానులు చూడటం కోసం థియేటర్ల వద్ద పెద్ద ఎత్తున సందడి చేశారు.

ఇక పవన్ కళ్యాణ్ వంటి స్టార్ హీరోల సినిమాని సింగిల్ స్క్రీన్ థియేటర్లలో కనుక చూస్తే వచ్చే కిక్కే వేరు. ఇక పవన్ కళ్యాణ్ సినిమా విడుదల కాబోతుంది అంటే సెలబ్రిటీలు కూడా ఫస్ట్ షో చూడడం కోసం థియేటర్లకు తరలి వస్తుంటారు. ఇకపోతే నేడు బ్రో సినిమా విడుదల కావడంతో పవన్ కళ్యాణ్ కుమారుడు జూనియర్ పవర్ స్టార్ అఖీరా నందన్ సైతం థియేటర్లో తన తండ్రి సినిమాని చూస్తూ ఎంజాయ్ చేశారు. బ్రో సినిమాలో పవన్ కళ్యాణ్ నటించిన హుడీ ధరించి చాలా స్టైలిష్ లుక్ లో సందడి చేశారు.

ఇక నేడు ఉదయం ఫస్ట్ షోలో భాగంగా అకిరా హైదరాబాద్ ఆర్టీసీ క్రాస్ లో ఉన్నటువంటి సుదర్శన్ 35 MM లో సందడి చేశారు. అయితే ఈ థియేటర్లో అకిరాను చూడగానే ఒక్కసారిగా అభిమానులు పెద్ద ఎత్తున కేకలు వేస్తూ గోల చేశారు. జూనియర్ పవర్ స్టార్ అంటూ పెద్ద ఎత్తున నినాదాలు చేశారు. అకీరాను (Akira Nandan) చూడగానే బాబులకే బాబు కళ్యాణ్ బాబు అంటూ అభిమానులు పెద్ద ఎత్తున గోల చేస్తూ రచ్చ చేశారు.

ఈ థియేటర్లో పవన్ కళ్యాణ్ సినిమా చూసిన అనంతరం అకిరా తిరిగి ప్రయాణం అవుతుండగా ఆయన కారు వద్దకు వెళ్లడానికి ఎంతో సమయం పట్టింది. అభిమానులు చుట్టుముట్టడంతో ఒక్కసారిగా వారి నుంచి కారు వద్దకు తీసుకెళ్లడానికి బౌన్సర్లు ఎంతో కష్టపడ్డారు. అకిరా ఇండస్ట్రీలోకి రాకనే ఈ స్థాయిలో ఫ్యాన్ ఫాలోయింగ్ సొంతం చేసుకున్నారు అంటే ఈయన కనుక సినిమాలలోకి వస్తే ఎలాంటి క్రేజ్ సొంతం చేసుకుంటారో చెప్పాల్సిన పని లేదు.

బ్రో సినిమా రివ్యూ & రేటింగ్!

‘బ్రో’ మూవీ తప్పకుండా చూడడానికి గల 10 కారణాలు..!
‘బ్రో’ కి మిక్స్డ్ టాక్ రావడానికి కారణం ఈ 10 మైనస్సులేనట!