పవర్ స్టార్ పవన్ కళ్యాణ్ కెరీర్ లో క్లాసిక్ హిట్స్ గా నిలిచిన కొన్ని సినిమాల టైటిల్స్ ను ఇప్పుడు కొందరు యంగ్ హీరోలు వాడేసుకుంటున్నారు. ఇప్పటికే ‘తొలిప్రేమ’ టైటిల్ ను మెగాఫ్యామిలీకి చెందిన వరుణ్ తేజ్ వాడుకున్నారు. ఆ టైటిల్ విషయంలో విమర్శలు వచ్చినప్పటికీ.. చిత్రబృందం రిస్క్ చేసి సినిమాను రిలీజ్ చేసింది. సినిమా అయితే మంచి హిట్ అయింది. రీసెంట్ గా విజయ్ దేవరకొండ తన కొత్త సినిమాకి ‘ఖుషి’ అనే టైటిల్ పెట్టుకున్నారు.
ఈ విషయంలో పవన్ కళ్యాణ్ అభిమానుల నుంచి తీవ్ర వ్యతిరేకత కనిపించింది. టైటిల్ మార్చాల్సిందే అంటూ పట్టుబట్టారు. కానీ దర్శకనిర్మాతలు లైట్ తీసుకున్నారు. ఇప్పుడు పవన్ కళ్యాణ్ సినిమా టైటిల్ తో మరో సినిమా రాబోతున్నట్లు సమాచారం. ఈసారి అక్కినేని ఫ్యామిలీ హీరో అఖిల్ పవన్ టైటిల్ ను వాడబోతున్నారట. గతేడాది ‘మోస్ట్ ఎలిజిబుల్ బ్యాచిలర్’ సినిమాతో హిట్ అందుకున్న అఖిల్ ప్రస్తుతం సురేందర్ రెడ్డి దర్శకత్వంలో ‘ఏజెంట్’ అనే సినిమా చేస్తున్నారు.
స్పై థ్రిల్లర్ గా ఈ సినిమాను తెరకెక్కిస్తున్నారు. ప్రస్తుతం ఈ సినిమా షూటింగ్ చివరిదశలో ఉంది. దీంతో అఖిల్ తన కొత్త సినిమాకి రంగం సిద్ధం చేస్తున్నారు. ‘వకీల్ సాబ్’ దర్శకుడు వేణు శ్రీరామ్ రూపొందించనున్న సినిమాలో అఖిల్ నటించబోతున్నారట. దిల్ రాజు ఈ సినిమాను నిర్మించడానికి రెడీ అవుతున్నారు. ఈ సినిమాకి ‘తమ్ముడు’ అనే టైటిల్ పరిశీలిస్తున్నారట.
అక్కా తమ్ముళ్ల నేపథ్యంలో నడిచే ఈ సినిమాకి ‘తమ్ముడు’ టైటిల్ యాప్ట్ అవుతుందని భావిస్తున్నారు. దాదాపు ఈ టైటిల్ ను ఖాయం చేసినట్లేనని చెబుతున్నారు. త్వరలోనే దీనికి సంబంధించిన అనౌన్స్మెంట్ రాబోతుంది. మరి ఈ టైటిల్ విషయంలో పవన్ ఫ్యాన్స్ ఎలా రియాక్ట్ అవుతారో చూడాలి!
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
