OG Movie: పవర్ స్టార్ పవన్ కళ్యాణ్ ఓజీ మూవీ కథ ఇదేనా.. ఏమైందంటే?

September 7, 2023 / 12:55 PM ISTByFilmy Focus

Join Us

OG Movie: పవర్ స్టార్ పవన్ కళ్యాణ్ ఓజీ మూవీ కథ ఇదేనా.. ఏమైందంటే?

జనసేన అధినేత, పవర్ స్టార్ పవన్ కళ్యాణ్ ప్రస్తుతం నటిస్తున్న సినిమాలలో ఓజీ సినిమాపై అత్యంత భారీ స్థాయిలో అంచనాలు నెలకొనగా ఈ సినిమా కథకు సంబంధించిన ఒక వార్త సోషల్ మీడియా వేదికగా తెగ వైరల్ అవుతుండటం గమనార్హం. వైరల్ అవుతున్న కథ ప్రకారం పవన్ కళ్యాణ్ ఈ సినిమాలో జోజాస్ గంభీర రోల్ లో కనిపించనున్నారు. టూరిస్ట్ బాయ్ అయిన ఓజాస్ గంభీర ఒకానొక సందర్భంలో బాంబేకు వచ్చి ఊహించని కారణాల వల్ల గ్యాంగ్ స్టర్ గా మారతారు.

క్రైమ్, మాఫియాలలో తిరుగులేని ఆధిపత్యంతో ఒక్కో మెట్టు పైకి ఎదుగుతూ తనకంటూ సామ్రాజ్యాన్ని సృష్టించుకుంటారు. అయితే ఓజీని ఏం చేయలేని శత్రువులు ఓజీ కుటుంబాన్ని టార్గెట్ చేసి చంపేస్తారు. తన కుటుంబాన్ని చంపిన వాళ్లపై కూడా ఓజీ ప్రతీకారం తీర్చుకుంటారని ఆ తర్వాత కొంతకాలం సైలెంట్ గా ఉన్న ఓజీ మళ్లీ మాఫియా రంగంలోకి ఎంట్రీ ఇచ్చి ప్రత్యర్థులకు చెక్ పెడతారని సమాచారం.

కథ రొటీన్ గా ఉన్నా కథనం కొత్తగా ఉంటుందని సమాచారం అందుతోంది. ఓజీ మూవీలో గూస్ బంప్స్ వచ్చే యాక్షన్ సీన్స్ ఉండనున్నాయని తెలుస్తోంది. సుజీత్ ఈ సినిమా విషయంలో పూర్తిస్థాయిలో కాన్ఫిడెన్స్ తో ఉన్నారు. డిసెంబర్ నెల సమయానికి ఈ సినిమా షూటింగ్ పూర్తి కానుందని సమాచారం అందుతోంది. వచ్చే ఏడాది ఫస్టాఫ్ లో ఈ సినిమా థియేటర్లలో విడుదల కానుంది.

ఓజీ సినిమా (OG Movie) కోసం 200 కోట్ల రూపాయల కంటే ఎక్కువ మొత్తాన్ని నిర్మాతలు ఖర్చు చేస్తున్నారు. మాఫియా బ్యాక్ డ్రాప్ లో ఈ సినిమా తెరకెక్కుతుండగా మేకర్స్ ఈ సినిమాపై హైప్ అంతకంతకూ పెంచుతున్నారు. ఓజీ సినిమాకు విడుదలకు ముందే రికార్డ్ స్థాయిలో బిజినెస్ జరుగుతోంది. ఓజీ సినిమా రిలీజ్ తర్వాత కూడా భారీ స్థాయిలో రికార్డులు క్రియేట్ చేసే అవకాశాలు అయితే ఎక్కువగా ఉన్నాయి.