యువ దర్శకుడు అజయ్ భూపతి తెరకెక్కించిన ఆర్ఎక్స్ 100 మూవీ ఈనెల 12 న రిలీజ్ అయి సంచలన విజయం సాధించింది. బడ్జెట్ ని రెండురోజుల్లో రాబట్టిన ఈ సినిమా పది కోట్ల గ్రాస్ ని అధిగమించి దూసుకుపోతోంది. త్వరలోనే పది కోట్ల షేర్ మైలురాయిని క్రాస్ చేయబోతోంది. ఈ సినిమాని చూసిన ప్రతి ఒక్కరూ ఇందులో హీరోయిన్ గా పాయల్ రాజ్ పుత్ నటించకుంటే సినిమానే లేదని అంటున్నారు. ఆమె అందం, అభినయంతో యువత, మాస్ ఆడియన్స్ మళ్ళీ మళ్ళీ థియేటర్ కి రప్పిస్తోంది. అందుకోసమే ఆమె తమ సినిమాలో నటిస్తే బాగుంటుందని దర్శకనిర్మాతలు క్యూ కడుతున్నారు. ఆమె మాత్రం మహేష్ పైనే గురిపెట్టింది.
పవన్, ప్రభాస్, మహేష్ లు తనకు ఇష్టమైన హీరోలని, వారిలో ఎవరితోనైనా నటించడానికి సిద్ధమని చెబుతోంది. రీసెంట్ గా ఇచ్చిన ఓ ఇంటర్వ్యూ లో మాట్లాడుతూ తనలో నమ్రత ఛాయలు ఎక్కువగా ఉన్నాయని సిగ్గుపడిపోతోంది. ఆమె మాటలు బట్టి చూస్తుంటే మహేష్ తో నటించేందుకు తహతహ లాడుతున్నట్టు అనిపిస్తోంది. ఒక స్టార్ హీరో సరసన నటిస్తే.. తన ట్రాక్ చిన్న సినిమాల నుంచి పెద్ద సినిమాలకు వెళ్ళిపోతోంది. అందుకే ఈ విధంగా స్టేట్మెంట్స్ ఇస్తోందని సినీ విశ్లేషకులు అంచనా వేస్తున్నారు. ప్రస్తుతం పవన్ సినిమాలకు దూరంగా ఉన్నారు. ఇక మహేష్, ప్రభాస్ లే ఆమెకు అవకాశం ఇవ్వాలి.
