ప్రేమ కథ చిత్రాలను విభిన్నంగా తెరకెక్కించడంలో సుకుమార్ కి మంచి పేరు ఉంది. అతని వద్ద అనేక ఏళ్ళు అసిస్టెంట్ గా పనిచేసిన అజయ్ వోదిరా తొలిసారి దర్శకత్వం వహించిన సినిమా జూలియట్ లవర్ అఫ్ ఇడియట్. టైటిల్ తోనే యువతను ఆకర్షించిన అజయ్.. ఫస్ట్ లుక్, టీజర్ లతో ఆసక్తి కలిగించారు. ఇందులో హీరో నవీన్‌ చంద్ర లుక్ తో అదరగొడుతున్నారు. మలయాళం సూపర్ హిట్ మ్యూజిక్ డైరెక్టర్ రతీష్ వేగ అందించిన పాటలు సూపర్ హిట్ గా నిలిచాయి. ఈ ఆడియోతో సినిమాపై మరింత క్రేజ్ ఏర్పడింది.
ఈ సినిమాలో ఆకర్షిస్తున్న మరో అంశం నివేతా థామస్. ఆమె నటించిన జెంటిల్ మ్యాన్, నిన్నుకోరి, జై లవకుశ.. మూడు మంచి విజయాన్ని సాధించాయి. దీంతో ఆమెకు తెలుగులో అభిమానులు పెరిగారు. జూలియట్ లవర్ అఫ్ ఇడియట్ సినిమాతో నివేతా థామస్ మరో హిట్ అందుకుంటుందని అభిమానులు భావిస్తున్నారు. అనురాగ్ ప్రొడక్షన్స్ బ్యానర్ లో రఘు బాబు చౌదరి మరియు కే.బి చౌదరి లు సంయుక్తంగా నిర్మించిన ఈ సినిమా రీసెంట్ గా సెన్సార్ పూర్తి చేసుకుంది. ఆలీ అభిమన్యు సింగ్, తాగుబోతు రమేష్, జీవా, సుప్రీత్, గిరి, దేవన్, శ్రవణ్, రోహిణి వంటి తదితరులు నటించిన ఈ మూవీ డిసెంబర్ 15 న ప్రపంచ వ్యాప్తంగా రిలీజ్ కానుంది.
Home