Mohan Babu, Manchu Vishnu: మోహన్ బాబు, విష్ణు లకి ఊహించని షాక్ ఇచ్చిన మంత్రి పేర్ని నాని..!

February 12, 2022 / 12:59 PM ISTByFilmy Focus

Join Us

Mohan Babu, Manchu Vishnu: మోహన్ బాబు, విష్ణు లకి ఊహించని షాక్ ఇచ్చిన మంత్రి పేర్ని నాని..!

ఆంధ్రప్రదేశ్ మంత్రి అయిన పేర్ని నాని శుక్రవారం నాడు హైదరాబాద్‌లోని మోహన్‌బాబుతో ఇంటికి వెళ్ళడం పెద్ద చర్చనీయాంశం అయ్యింది. ‘టిక్కెట్ రేట్ల విషయంలో మోహన్ బాబుని కూడా కలిసి ఆయన అభిప్రాయాన్ని తెలుసుకున్నారని,గురువారం నాడు టాలీవుడ్ స్టార్లతో జరిగిన మీటింగ్ కు మోహన్ బాబుని పిలవక పోవడంతో ఆయన హర్ట్ అయ్యారని తెలుసుకుని ఆయనకి సంజాయిషీ చెప్పడానికి పేర్ని నాని వెళ్లారని’ కథనాలు వినిపించాయి. అయితే ఈ వార్తల్లో ఎటువంటి నిజం లేదని పేర్ని నాని చెప్పుకొచ్చారు.

Click Here To Watch

‘స్కూళ్ళకి సంబందించిన విషయాలు, వ్యక్తిగత విషయాలు అన్నీ మాట్లాడుకున్నాక, నిన్న సినీ పరిశ్రమ బాగు కోసం జరిగిన మీటింగ్ గురించి నాకు ఎవ్వరూ చెప్పలేదు. చెప్పి ఉంటే నేను కూడా వచ్చే వాడిని అని మోహన్ బాబు నాతో అన్నారు. సీఎం గారికి కూడా చెప్పండి ‘నాకు కబురు అందక రాలేదు’ అని అన్నారు. విష్ణు నాకు ఒక సాల్వా కప్పి మంచిగా గుడ్ బై చెప్పారు.

ఆయన అభిమానంతో నాకు ఫోన్ చేసి ‘మా ఇంటికి రండి’ అని పిలవడం వలెనే నేను వెళ్ళాను తప్ప.. వ్యక్తిగతంగా సంజాయిషీ ఇవ్వడానికి కాదు’ అంటూ పేర్ని నాని చెప్పుకొచ్చారు. కానీ నేను మోహన్ బాబుని కూల్ చేయడానికి వెళ్ళినట్టు వార్తలు వచ్చాయి. మంచు విష్ణు ట్వీట్ వేయడం వలన మేము అలా అనుకున్నాం అని కొంతమంది నాతో అన్నారు. నేను ఆయన్ని కూడా అడిగాను.. ‘లేదు నేను మార్చి ట్వీట్ చేశాను’ అని నాతో అన్నారు.

ఏపి ప్రభుత్వం తీసుకునే నిర్ణయాల విషయంలో ఎవ్వరికి సంజాయిషీలు చెప్పేది ఉండదు’ అంటూ కూడా నాని చెప్పుకొచ్చారు. దీంతో మోహన్ బాబు, మంచు విష్ణు లకి షాక్ తగిలినట్టు అయ్యింది. సోషల్ మీడియాలో కూడా ఈ విషయం పై మంచు విష్ణుని పెద్ద ఎత్తున ట్రోల్ చేస్తున్నారు నెటిజన్లు.