‘పెట్టా’ నుండీ మరో ఫస్ట్ విడుదల

‘సన్ పిక్చర్స్’ బ్యానర్ పై కార్తీక్ సుబ్బరాజు డైరెక్షన్లో తెరకెక్కిన చిత్రం ‘పెట్టా’. సూపర్ స్టార్ రజనీ కాంత్ 165వ చిత్రంగా వస్తున్న ఈ చిత్రం సంక్రాంతి కానుకగా ప్రేక్షకుల ముందుకు రానుంది. త్రిష, సిమ్రాన్ హీరోయిన్లుగా నటిస్తున్న ఈ చిత్రానికి అనిరుథ్ సంగీతం అందించారు. ఇటీవల రజనీకాంత్ పుట్టినరోజు సందర్బంగా విడుదల చేసిన టీజర్ తో అభిమానులు సందడి చేసుకుంటున్నారు. ఇక విడుదల చేసిన ఆడియోకు కూడా మంచి రెస్పాన్స్ వస్తుంది.

ఈ చిత్రంలో కీలక పాత్రల్లో నటిస్తున్న విజయ్ సేతుపతి, నవాజుద్దీన్ సిద్ధిఖీ ఫస్ట్ లుక్ లకు కూడా మంచి స్పందన లభించిన సంగతి తెలిసిందే. ఇక ఈ చిత్ర ప్రమోషన్లను మరింత వేగవంతం చేస్తూ మరొక ఫస్ట్ లుక్ ను విడుదల చేసింది చిత్ర యూనిట్. తాజాగా ఈ చిత్రంలో మాలిక్ అనే పాత్రలో కనిపించనున్న తమిళ డైరెక్టర్ శశి కుమార్ ఫస్ట్ లుక్ ను విడుదల చేశారు. ఈ ఫస్ట్ లుక్ కు మంచి ఆదరణ రావడంతో పాటు..అంచనాలు మరింత బలపడనున్నాయి. ఇక ఈ చిత్రం తెలుగు వెర్సన్ కు సంబంధించి ఎటువంటి అప్డేట్స్ ఇవ్వకపోవడం గమనార్హం