ప్రధానమంత్రి నరేంద్ర మోడీ ఓ సినిమాను చూడబోతున్నారు అంటే ఆసక్తికరమే కదా. అందులో సౌత్‌లో తెరకెక్కిన సినిమాను చూడటం అంటే ఇంకా విషయం. ఎందుకంటే ఆయన గతంలో సినిమా వాళ్లను కలవడానికి ప్రయత్నించినప్పుడు అందులో అత్యధికశాతం మంది నటులు, దర్శకనిర్మాతలు బాలీవుడ్‌ వారే ఉన్నారు. ఆ విషయం పక్కనపెడితే.. మోడీ చూడబోయే సినిమా రీసెంట్‌ బ్లాక్ బస్టర్‌ ‘కాంతార’. కన్నడ నాట తెరకెక్కి దేశవ్యాప్తంగా అదరగొడుతున్న ఆ సినిమాను మోడీ చూస్తారట.
కన్నడ హీరో, దర్శకుడు రిషబ్ శెట్టి ప్రధాన పాత్రలో రూపొందిన చిత్రం ‘కాంతార’. చిన్న సినిమాగా శాండిల్‌వుడ్‌లో తెరకెక్కిన ఈ చిత్రం.. ఇప్పుడు పాన్‌ ఇండియా స్థాయిలో అదరగొడుతోంది. సుమారు రూ. 200 కోట్ల వసూళ్లతో దూసుకుపోతోంది. వీటికి మించి సినిమాలో చూపించిన ఆచార్య వ్యవహారాలు, అంశాల పట్ల సినిమా అభిమానులు ఆనందం వ్యక్తం చేస్తున్నారు. తుళునాడుకు చెందిన ఎంతోమంది సెలబ్రిటీలు కూడా ఈ సినిమాను తెగ మెచ్చేసుకుంటున్నారు.
ఈ నేపథ్యంలో భారత ప్రధాని నరేంద్ర మోడీ ఈ బ్లాక్ బాస్టర్ మూవీని త్వరలోనే చూడబోతున్నారనే వార్త వైరల్‌ అవుతోంది. ఈ మేరకు పీఎం ఆఫీస్‌ ఈ ఏర్పాట్లని ప్రారంభించినట్లు సమాచారం. ప్రధాని సినిమా వీక్షించేటప్పుడు దర్శకనటుడు రిషబ్ శెట్టి కూడా అక్కడే ఉంటారని అంటున్నారు. దీనిపై ఒకట్రెండు రోజుల్లో అధికారిక సమాచారం వస్తుందని అంటున్నారు. తుళునాడులో ఉన్న ఆచార, సంప్రదాయాల్ని కాంతారలో చక్కగా చూపించారంటూ ఇప్పటికే చాలామంది మెచ్చుకున్న విషయం తెలిసిందే.
‘భూతకోల’ సంస్కృతిని రిషబ్ శెట్టి మూవీలో కళ్లకి కట్టినట్లు ప్రేక్షకుల ముందుంచారు. ఈ సినిమా ప్రభావం వల్ల తుళునాడులో ‘భూతకోల’ చెప్పే వ్యక్తులకి పెన్షన్ ఇవ్వబోతున్నట్లు కర్ణాటక ప్రభుత్వం ప్రకటించింది. అంతా ఓకే అనుకుంటున్న సమయంలో ‘వరాహ రూపం…’ పాట కాపీ అంటూ ఓ వివాదం కూడా చెలరేగింది. అన్నట్లు మోడీ సినిమా చూసే డేట్‌ చెప్పలేదు కదా. నవంబరు 14న ఈ కార్యక్రమం జరగొచ్చని టాక్‌.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home