ఇండియన్ సినిమా గర్వించదగ్గ ఫిలిం మేకర్స్ లో మణిరత్నం కూడా ఒకరు. 4 దశాబ్దాలుగా ఆయన తెరకెక్కించాలని కలలు కంటూ చివరికి నానా తిప్పలు పడి తీసిన చిత్రం ‘పొన్నియన్ సెల్వన్’. దీని మొదటి భాగాన్ని ‘పీఎస్-1’ గా సెప్టెంబర్ 30న విడుదల చేశారు.లైకా ప్రొడక్షన్స్, మద్రాస్‌ టాకీస్‌ సంస్థలు కలిసి ఎంతో ప్రెస్టీజియస్ గా ఈ ప్రాజెక్టుని రూ.500 కోట్ల భారీ బడ్జెట్ తో రెండు భాగాలుగా నిర్మించారు.
తమిళ్‌ తో పాటు హిందీ, తెలుగు, కన్నడ, మలయాళంలో ఈ సినిమాను ఏకకాలంలో విడుదల అయ్యింది. విక్రమ్‌, జయం రవి, కార్తి, ఐశ్వర్య రాయ్‌ బచ్చన్‌, త్రిష, ఐశ్వర్య లక్ష్మి, శరత్‌కుమార్‌, విక్రమ్‌ ప్రభు, శోభిత ధూళిపాళ, జయరామ్‌, ప్రభు, పార్తిబన్‌, ప్రకాష్‌రాజ్‌ వంటి స్టార్ క్యాస్టింగ్ ఉండడం కూడా ఈ చిత్రంపై అంచనాలు ఏర్పడడానికి కారణం అని చెప్పొచ్చు. తెలుగులో ఈ చిత్రానికి మొదటి రోజు మిక్స్డ్ టాక్ వచ్చింది.
కానీ వీకెండ్ వరకు సూపర్ గా కలెక్ట్ చేసింది. కాకపోతే మొదటి సోమవారం ఈ మూవీ కలెక్షన్లు భారీగా పడిపోయాయి. ఒకసారి 4 డేస్ కలెక్షన్స్ ను గమనిస్తే :
| నైజాం | 4.30 cr |
| సీడెడ్ | 0.72 cr |
| ఉత్తరాంధ్ర | 0.65 cr |
| ఈస్ట్ | 0.51 cr |
| వెస్ట్ | 0.41 cr |
| గుంటూరు | 0.46 cr |
| కృష్ణా | 0.43 cr |
| నెల్లూరు | 0.32 cr |
| ఏపీ + తెలంగాణ (టోటల్) | 7.80 cr |
‘పొన్నియన్ సెల్వన్ – 1’ చిత్రానికి తెలుగు రాష్ట్రాల్లో రూ.8.48 కోట్ల థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ అవ్వాలి అంటే రూ.9 కోట్ల వరకు షేర్ ను రాబట్టాల్సి ఉంది. 4 రోజులు పూర్తయ్యేసరికి ఈ మూవీ రూ.7.8 కోట్ల షేర్ ను రాబట్టింది. బ్రేక్ ఈవెన్ కి మరో రూ.1.2 కోట్ల షేర్ ను రాబట్టాల్సి ఉంది.
మంగళ వారం తర్వాత ఈ మూవీకి క్యాష్ చేసుకునే అవకాశం ఉండదు. ఎందుకంటే అక్టోబర్ 5న గాడ్ ఫాదర్, ఘోస్ట్ వంటి బడా సినిమాలతో పాటు స్వాతి ముత్యం అనే క్రేజీ సినిమా కూడా రిలీజ్ కాబోతుంది.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
