తమిళంలో అత్యంత భారీ బడ్జెట్ తో తెరకెక్కుతున్న సినిమాలలో పొన్నియిన్ సెల్వన్ సినిమా కూడా ఒకటనే సంగతి తెలిసిందే. మణిరత్నం డైరెక్షన్ లో తెరకెక్కుతున్న ఈ సినిమా కచ్చితంగా సక్సెస్ సాధిస్తుందని ఫ్యాన్స్ భావిస్తున్నారు. ఎన్నో ప్రత్యేకతలతో తెరకెక్కిన ఈ సినిమా ఈ ఏడాదే థియేటర్లలో విడుదల కానుంది. పొన్నియిన్ సెల్వన్ పుస్తకం ఆధారంగా ఈ సినిమా తెరకెక్కింది. ఈ సినిమాలోని ఒక సన్నివేశంలో 5000కు పైగా ప్రజలు కనిపిస్తారని సమాచారం అందుతోంది.
ఆ సన్నివేశం ఈ సినిమాకు హైలెట్ గా నిలుస్తుందని తెలుస్తోంది. తమిళ బాహుబలిగా తెరకెక్కుతున్న ఈ సినిమా విక్రమ్ కోరుకున్న సక్సెస్ ను అందిస్తుందని కామెంట్లు వినిపిస్తున్నాయి. ఈ నెల 30వ తేదీన ఈ సినిమా థియేటర్లలో విడుదల కానుంది. భారీ క్యాస్టింగ్ తో తెరకెక్కిన ఈ సినిమాపై తమిళ ఇండస్ట్రీ చాలా ఆశలు పెట్టుకుంది. మరోవైపు మణిరత్నంకు సైతం ఈ మధ్య కాలంలో సరైన సక్సెస్ లేదు. తమిళంలో ఈ సినిమా విజయం సాధిస్తే మరిన్ని భారీ బడ్జెట్ సినిమాల దిశగా అడుగులు పడే అవకాశం ఉంది.
తెలుగు, తమిళం, కన్నడ, మలయాళ భాషలతో పాటు హిందీలో కూడా ఈ సినిమా రిలీజ్ కానుంది. మద్రాస్ టాకీస్, లైకా ప్రొడక్షన్స్ సంస్థలు ఖర్చు విషయంలో ఏ మాత్రం రాజీ పడకుండా ఈ సినిమాను నిర్మించడం గమనార్హం. దసరా పండుగ సమయంలో రిలీజ్ కానున్న ఈ సినిమాకు తెలుగు రాష్ట్రాల్లోని థియేటర్లలో కూడా పెద్దగా పోటీ లేకపోవడం గమనార్హం.
గాడ్ ఫాదర్, ది ఘోస్ట్ సినిమాలు విడుదలయ్యే వరకు పొన్నియిన్ సెల్వన్ సినిమాకు బాక్సాఫీస్ వద్ద పోటీ లేదనే సంగతి తెలిసిందే. తెలుగు రాష్ట్రాలలో కూడా ఈ సినిమా అంచనాలను మించి విజయం సాధించాలని అభిమానులు కోరుకుంటున్నారు. ఈ సినిమా ఇప్పటివరకు తమిళ సినిమాలు క్రియేట్ చేసిన రికార్డులను బ్రేక్ చేస్తుందేమో చూడాల్సి ఉంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home