కోలీవుడ్లో ఈ ఏడాది రిలీజ్ అయిన ‘విక్రమ్’ మూవీ ఆల్ టైం రికార్డులు క్రియేట్ చేసింది. లోకేష్ కనగరాజన్ దర్శకత్వంలో రూపొందిన ఈ మూవీ జూన్ 3న తమిళ్ తో పాటు తెలుగు, హిందీ, మలయాళం భాషల్లో కూడా ఏకకాలంలో రిలీజ్ అయ్యింది. అన్ని భాషల్లోనూ సూపర్ సక్సెస్ సాధించింది ఈ మూవీ. అంతేకాదు ఓవర్సీస్ లో బాక్సాఫీస్ వద్ద కూడా వసూళ్ల వర్షం కురిపించింది. వరల్డ్ వైడ్ గా ఈ చిత్రం రూ.400 కోట్లకు పైగా వసూళ్లను సాధించి కోలీవుడ్ ఇండస్ట్రీ హిట్ గా నిలిచింది.
తెలుగులో కూడా ఈ చిత్రం రూ.15 కోట్లకు పైగా షేర్ ను కలెక్ట్ చేసింది. ప్రతీ బయ్యర్ కు ఈ మూవీ డబుల్ ప్రాఫిట్స్ ను అందించింది. సినిమాటిక్ యూనివర్స్ కాన్సెప్ట్ ను కూడా జనాలు బాగా ఓన్ చేసుకున్నారు.సౌత్ లో రూపొందే మరిన్ని పెద్ద చిత్రాల్లో ఇలాంటి కాన్సెప్ట్ ను ఉపయోగించుకోవచ్చు అనే మార్గాన్ని చూపించింది విక్రమ్. ఇదిలా ఉండగా.. ‘విక్రమ్’ బాక్సాఫీస్ కలెక్షన్స్ ను 4 నెలలు దాటకుండానే ‘పొన్నియన్ సెల్వన్-1’ మూవీ బ్రేక్ చేయబోతుంది.
‘విక్రమ్’ మూవీ ఫుల్ రన్లో రూ.423 కోట్ల గ్రాస్ ను కొల్లగొట్టగా … సెప్టెంబర్ 30న రిలీజ్ అయిన ‘పొన్నియన్’ సెల్వన్-1 మూవీ 2 వారాలకే రూ.419 కోట్ల గ్రాస్ వసూళ్లను రాబట్టింది. ఈ వీకెండ్ కు ‘పొన్నియన్ సెల్వన్-1’ మూవీ ‘విక్రమ్’ రికార్డులను బ్రేక్ చేసే అవకాశాలు పుష్కలంగా ఉన్నాయి. అంతేకాదు దీపావళి వరకు కూడా ఈ మూవీ బాక్సాఫీస్ వద్ద మంచి వసూళ్లు అవకాశం ఉంది.
అయితే తెలుగులో మాత్రం ఈ మూవీ మంచి ఓపెనింగ్స్ ను సాధించింది కానీ తర్వాత ఆ జోరు చూపించలేకపోయింది.ఇక్కడి బయ్యర్స్ కు కొద్దిపాటి నష్టాలు తప్పవనే చెప్పాలి. స్టార్ డైరెక్టర్ మణిరత్నం తెరకెక్కించిన ఈ మూవీలో విక్రమ్, కార్తి,జయం రవి, ఐశ్వర్య రాయ్, త్రిష వంటి స్టార్లు నటించారు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home