మణిరత్నం డైరెక్షన్ లో భారీ అంచనాలతో తెరకెక్కిన పొన్నియన్ సెల్వన్ పార్ట్1 కు తెలుగు రాష్ట్రాల్లో నెగిటివ్ టాక్ రాగా తమిళనాడులో మాత్రం ఈ సినిమా పాజిటివ్ టాక్ తో ప్రదర్శితమవుతోంది. ఫస్ట్ వీకెండ్ లోనే ఈ సినిమా 230 కోట్ల రూపాయల గ్రాస్ కలెక్షన్లను సొంతం చేసుకుందని తమిళనాడు మీడియా వర్గాల్లో ప్రచారం జరుగుతుండటం గమనార్హం. అయితే ఈ కలెక్షన్లు నమ్మే విధంగా లేవని కామెంట్లు వినిపిస్తున్నాయి. తమిళనాడు రాష్ట్రంలో ఈ సినిమాకు బుకింగ్స్ బాగానే ఉన్నా మరీ టికెట్లు దొరకని పరిస్థితులు అయితే లేవు.
ఈ సినిమా కలెక్షన్లు పూర్తిస్థాయిలో నిజం అయితే కాదని కామెంట్లు వ్యక్తమవుతున్నాయి. ఫేక్ కలెక్షన్లను ప్రచారంలోకి తెచ్చినా సినిమాకు పెద్దగా ఉపయోగం అయితే ఉండదనే సంగతి తెలిసిందే. క్రేజ్ ఉన్న నటీనటులే ఈ సినిమాలో నటించినా కథ, కథనం ఆకట్టుకునేలా లేకపోవడం మైనస్ గా మారింది. పొన్నియన్ సెల్వన్ కలెక్షన్లు తెలుగు రాష్ట్రాల్లో 14 కోట్ల రూపాయల గ్రాస్ కలెక్షన్లు అని మేకర్స్ చెబుతుండగా ఈ కలెక్షన్ల విషయంలో నిజానిజాలు తెలియాల్సి ఉంది.
పొన్నియన్ సెల్వన్2 రిలీజ్ డేట్ కు సంబంధించి త్వరలో క్లారిటీ వచ్చే అవకాశం ఉంది. పార్ట్1 నచ్చని ప్రేక్షకులకు పార్ట్2 నచ్చుతుందో లేదో చూడాల్సి ఉంది. ఇప్పటికే పొన్నియన్ సెల్వన్2 షూటింగ్ పూర్తైంది. ఎక్కువమంది స్టార్ హీరోలను పొన్నియన్ సెల్వన్ కోసం ఎంపిక చేయడం కూడా ఈ సినిమాకు ఒక మైనస్ అయిందని మరి కొందరు చెబుతున్నారు.
మణిరత్నం పొన్నియన్ సెల్వన్ కు పూర్తిస్థాయిలో న్యాయం చేయలేకపోయారని మరి కొందరు అభిప్రాయం వ్యక్తం చేస్తున్నారు. రాజమౌళి స్థాయిలో మెప్పించడంలో ఇతర దర్శకులు ఫెయిల్ అవుతుండటం గమనార్హం. బాహుబలి, బాహుబలి2 సినిమాలతో రాజమౌళి బెంచ్ మార్క్ సెట్ చేయగా ఆ బెంచ్ మార్క్ కు దరిదాపుల్లో కూడా సినిమాలను తెరకెక్కించడం ఇతర దర్శకులకు సాధ్యం కావడం లేదు.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home