పాన్‌ ఇండియా హీరో అంటే… ఇప్పుడు చాలామంది హీరోల పేర్లు చెప్పొచ్చు. తెలుగులో ఓ ఇద్దరు పాన్‌ ఇండియా హీరోలుగా మారగా, మరికొంతమంది ఆ ప్లాన్స్‌లో ఉన్నారు. అయితే పాన్‌ ఇండియా నాయికలు అంటే చాలా తక్కువ అని చెప్పొచ్చు. వేళ్ల మీద లెక్కపెట్టినా ఇంకా వేళ్లు మిగిలిపోతాయి. అలాంటి వారిలో పూజా హెగ్డే ఒకరు. రష్మిక మందన ఇప్పుడు అదే ప్రయత్నంలో ఉంది. పూజా హెగ్డే వరుసగా స్టార్ హీరోలతో నటిస్తూ వెళ్తోంది. అలాంటి ఆమె మనసులో ఉన్న ముగ్గురు హీరోలు ఎవరు? ఈ విషయాన్నే ఇటీవల ఆమె చెప్పుకొచ్చింది.
సౌత్‌లో ప్రారంభించి… ఆ తర్వాత అనుకోకుండా నార్త్‌ వాళ్ల కంట్లో పడి అక్కడ స్టార్ హీరో సరసన నటించే అవకాశం కొట్టేసింది. సౌత్‌, నార్త్‌లో సరైన తొలి ఫలితాలు సాధించలేకపోయింది. కెరీర్‌ కష్టమే అనుకుంటున్న సమయంలో సౌత్‌కి వచ్చి… తన సెకండ్‌ ఇన్నింగ్స్‌ను ప్రారంభించింది. అనూహ్యమైన విజయాలతో స్టార్ హీరోయిన్‌గా మారిపోయింది. వరుసగా అగ్ర హీరోల సినిమాల్లో నటిస్తోంది. ఇప్పుడు మూడు పాన్‌ ఇండియా మూవీస్‌ చేస్తోంది. అయినా ఇంకా ఆమె నటించాలనుకునే హీరోలు ముగ్గురు ఉన్నారట.
పూజా హెగ్డే ప్రస్తుతం సూపర్ స్టార్ మహేష్ బాబు, ఇళయ థళపతి విజయ్‌తో నటిస్తుంది. రామ్‌చరణ్‌ సరసన నటించేసింది. ఇదీ ఇక్కడి లెక్క. నార్త్‌లో చూస్తే సల్మాన్ ఖాన్‌తో నటిస్తోంది. ఇక బాలీవుడ్‌లో రణబీర్ కపూర్‌తో నటించడమే తన నెక్స్ట్‌ కోరిక అని చెప్పింది పూజా. తమిళ్‌కి వచ్చేసరికి కమల్ హాసన్, ధనుష్‌తో నటించాలని అనుకుంటోందట. సో ఇక ఆయా హీరోలతో సినిమాలు చేసే దర్శకులు పూజాను పాత్ర కోసం కాంటాక్ట్‌ అవ్వొచ్చన్నమాట.
రణ్‌బీర్‌ కపూర్‌తో ఓ స్కూటర్‌లో యాడ్‌ నటించే పూజా హెగ్డే బాలీవుడ్‌కి రూట్‌ వేసుకుంది. ఆ యాడ్‌ చూసే ఆమెను సినిమాల్లోకి తీసుకున్నారని ఆమె గతంలో కూడా చెప్పింది. సో ఇప్పుడు రణ్‌బీర్‌తో నటించి స్టార్ హీరోయిన్‌గా తన కెరీర్‌ను మరింత ఫిక్స్‌ చేసుకోవాలని చూస్తోంది. ఆల్‌ ది బెస్ట్‌ పూజా హెగ్డే.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
