బుట్టబొమ్మ ఇంటిలిజెంట్ ఐడియా

December 26, 2020 / 05:13 PM ISTByFilmy Focus

Join Us

రెమ్యునరేషన్ ఒకసారి పెరిగిన తరువాత ఒక్కసారిగా తగ్గించాలి అంటే ఏ స్టార్ అయినా కూడా చాలా ఆలోచిస్తారు. ముఖ్యంగా వరుస హిట్స్ తో మంచి డిమాండ్ ఉన్న సమయంలో తగ్గించాలి అంటే అది మామూలు విషయం కాదు. ఇక రీసెంట్ గా బుట్టబొమ్మ మాత్రం ఆ విషయంలో చాలా తగ్గిందని అంటున్నారు. గతంలో ఎప్పుడు లేని విధంగా సడన్ గా పారితోషికాన్ని తగ్గించడంతో విషయం హాట్ టాపిక్ గా మారింది.

వరుసగా సినిమాలతో బిజీగా ఉన్న బిజీగా ఉన్న పూజా హెగ్డే టాలీవుడ్ తరువాత పూర్తిగా తన ఫోకస్ ను బాలీవుడ్ పైనే పెట్టింది. అక్కడ హౌజ్ ఫుల్ 4 ద్వారా హిట్ అందుకోవడంతో వరుసగా అవకాశాలు అందుతున్నాయి. సల్మాన్ ఖాన్ కూడా అమ్మడిపై స్పెషల్ ఫోకస్ పెట్టినట్లు టాక్. ఇక ఇటీవల బుట్టబొమ్మ ఒక తెలుగు సినిమా కోసం రెమ్యునరేషన్ ను తగ్గించినట్లు తెలుస్తోంది. మినిమమ్ 2కోట్లు డిమాండ్ చేస్తున్న పూజ గుణశేఖర్ శాకుంతలం సినిమా కోసం కొంత తగ్గినట్లు సమాచారం.

కథ నచ్చడంతో ఆమె వెంటనే ఒప్పేసుకుందట. చాలా రోజుల తరువాత గుణశేఖర్ ఒక డిఫరెంట్ స్టోరీతో వస్తుండడంతో సినిమాపై అంచనాలు భారీగానే ఉన్నాయి. ఇక సినిమా టైటిల్ రోల్ లో పూజా హెగ్డే నటించనుందని సమాచారం. వచ్చే ఏడాది సెట్స్ పైకి రానున్న ఈ సినిమాలో ఒక అగ్ర హీరో కూడా కీలక పాత్రలో నటించనున్నట్లు టాక్ వస్తోంది. సినిమా కాన్సెప్ట్ క్లిక్కయితే మంచి గుర్తింపు వస్తుందనే కారణం చేత పూజా తక్కువ రెమ్యునరేషన్ కు ఒప్పుకున్నట్లు సమాచారం.