ప్రభాస్ హీరోగా దర్శకుడు రాధాకృష్ణ కుమార్ ‘రాధేశ్యామ్’ అనే సినిమా మొదలుపెట్టాడు. చాలా ఏళ్లుగా ఈ సినిమా షూటింగ్ జరుగుతూనే ఉంది కానీ ఇప్పటివరకు పూర్తి కాలేదు. గతేడాది ఇటలీలో షూటింగ్ నిర్వహించాలని అనుకున్నారు కానీ అప్పుడే కరోనా రావడంతో షూటింగ్ ఆలస్యమైంది. కరోనా కాస్త తగ్గిన తరువాత షూటింగ్ కానిచ్చేశారు. సీజీ వర్క్ ఎక్కువగా ఉండడంతో ఆలస్యం జరుగుతూ వస్తోంది. సినిమా రిలీజ్ డేట్ కూడా దగ్గర పడుతుండడంతో..
అభిమానులు ఆసక్తిగా ఈ సినిమా కోసం ఎదురుచూస్తున్నారు. ఇంతలో ఈ సినిమాలో కొన్ని సీన్లు ప్రభాస్ కి నచ్చలేదని.. రీషూట్ చేయమని అడిగినట్లు వార్తలు వచ్చాయి. అయితే అలాంటిదేమీ లేదని.. కేవలం పాటలు, ప్యాచ్ వర్క్ బ్యాలెన్స్ ఉందని యూనిట్ వర్గాలు తెలిపాయి. ఇప్పుడు ప్యాచ్ వర్క్, పాటల షూటింగ్ కూడా వాయిదా పడిందని తెలుస్తోంది. దీనికి కారణం.. హీరోయిన్ పూజాహెగ్డే షూటింగ్ కి రానని చెప్పడమే. పూజాహెగ్డే ప్రస్తుతం తన కుటుంబంతో కలిసి ముంబైలో ఉంది.
ఇప్పుడున్న పరిస్థితుల్లో షూటింగ్ లో పాల్గొనడం కరెక్ట్ కాదని భావించిన పూజా.. అదే విషయాన్ని దర్శకనిర్మాతలకు తెలిపింది. అలానే సినిమాలో కృష్ణంరాజు ఎపిసోడ్ లు కొన్ని ఉన్నాయి. ఆయన వయసు రీత్యా ఇప్పుడు షూటింగ్ జరిపించడం కరెంట్ కాదని ఆపేశారు. జూలై నెలాఖరున సినిమా రిలీజ్ చేయాలనుకున్నారు. కానీ ఇప్పుడు షూటింగ్ వాయిదా పడుతుంది కాబట్టి చెప్పిన టైమ్ కి సినిమాను రిలీజ్ చేస్తారో లేదో చూడాలి!
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home
