స్టార్ హీరోలే భయపడుతుంటే పూజా మాత్రం దూకేసింది

September 15, 2020 / 08:27 PM ISTByFilmy Focus

Join Us

స్టార్ హీరోలే భయపడుతుంటే పూజా మాత్రం దూకేసింది

దేశంలో అడపాదడపా కరోనా కేసులు కనిపించిన వెంటనే లాక్ డౌన్ ప్రకటించడం జరిగింది. దీనితో అన్ని పరిశ్రమలతో పాటు చిత్ర పరిశ్రమ కూడా బంధ్ అయ్యింది. లాక్ డౌన్ ప్రకటించిన కొన్ని నెలల తరువాత చిత్ర పరిశ్రమకకు చెందిన కొందరు ప్రముఖులు తెలుగు రాష్ట్రాల ముఖ్యమంత్రులను కలిసి, షూటింగ్స్ కి అనుమతి ఇవ్వాలని కోరడం జరిగింది. సీఎం జగన్ మరియు సీఎం కేసీఆర్ సానుకూలంగా స్పందించడంతో పాటు భద్రతా ప్రమాణాల మధ్య షూటింగ్స్ జరుపుకోవచ్చని ఆదేశాలు ఇచ్చారు.

అది జరిగి మూడు నెలలు దాటిపోతున్నా, టాలీవుడ్ లో షూటింగ్స్ మొదలుకాలేదు. కారణం కరోనా మరింతగా విజృభించింది. దీనితో స్టార్ హీరోలు సైతం షూటింగ్ మొదలుపెట్టడానికి భయపడుతున్నారు. ఐతే హీరోయిన్ పూజ హెగ్డే మాత్రం దూకుడు చూపిస్తుంది. ఆమె ఇప్పటికే మోస్ట్ ఎలిజిబుల్ బ్యాచ్ లర్ షూటింగ్ లో పాల్గొన్నారు. ఈ మూవీ షూటింగ్ కోసం ముంబై నుండి హైదరాబాద్ వచ్చిన పూజ నేటి నుండి మోస్ట్ ఎలిజిబుల్ బ్యాచ్ లర్ షూటింగ్ లో పాల్గొంటున్నారు.

అలాగే మరి కొద్దిరోజులలో రెబల్ స్టార్ ప్రభాస్ హీరోగా తెరకెక్కుతున్న రాధే శ్యామ్ మూవీ షూటింగ్ లో కూడా జాయిన్ కానుంది. దర్శకుడు రాధా కృష్ణ ఇప్పటికే దీనికోసం సర్వం సిద్ధం చేసి ఉంచారు. పీరియాడిక్ లవ్ డ్రామాగా తెరకెక్కనున్న ఈ చిత్రంపై భారీ అంచనాలున్నాయి. స్టార్ హీరోలు కూడా షూటింగ్స్ కి ససేమిరా అంటుంటే…పూజ మాత్రం బరిలో దిగిపోయింది.