NTR, Pooja Hegde: తారక్ మూవీలో హీరోయిన్ ఆమె కాదా?

స్టార్ డైరెక్టర్ కొరటాల శివ ఒక్కో సినిమాలో ఒక్కో హీరోయిన్ కు అవకాశం ఇస్తున్న సంగతి తెలిసిందే. కొరటాల శివ దర్శకత్వం వహిస్తున్న ఆచార్య సినిమా షూటింగ్ దాదాపుగా పూర్తి కాగా ఎన్టీఆర్ సినిమా స్క్రిప్ట్ పనులు కూడా దాదాపుగా పూర్తయ్యాయి. అయితే ఎన్టీఆర్ కు జోడీగా పూజా హెగ్డే నటించనుందని ఇండస్ట్రీ వర్గాల్లో జోరుగా ప్రచారం జరుగుతోంది. ఇప్పటికే అరవింద సమేత సినిమాలో ఎన్టీఆర్ పూజా హెగ్డే కలిసి నటించారు.

కొరటాల శివ ప్రస్తుతం నటిస్తున్న ఆచార్య సినిమాలో సైతం చరణ్ కు జోడీగా పూజా హెగ్డే నటిస్తున్నారు. ప్రస్తుతం పూజా హెగ్డే చేతినిండా సినిమాలు ఉండగా ఆమె నటించిన కొన్ని సినిమాలు రిలీజ్ కావాల్సి ఉంది. పూజాహెగ్డే పీఆర్ టీమ్ మాత్రం కొరటాల శివ ఇప్పటివరకు ఎన్టీఆర్ సినిమా విషయమై పూజా హెగ్డేను సంప్రదించలేదని సన్నిహితులతో చెప్పినట్టు భోగట్టా. మరోవైపు ఎన్టీఆర్ కు జోడీగా కియారా అద్వానీ లేదా అలియా భట్ ను ఎంపిక చేస్తే బాగుంటుందని ఫ్యాన్స్ కోరుకుంటున్నారు.

మహేష్ బాబు త్రివిక్రమ్ కాంబినేషన్ సినిమాలో కూడా పూజా హెగ్డే ఫైనల్ అయినట్టు వార్తలు వస్తుండగా ఆ వార్తలో నిజానిజాలు తెలియాల్సి ఉంది. ప్రస్తుతం పూజా హెగ్డే తమిళంలో విజయ్ కు జోడీగా బీస్ట్ సినిమాలో నటిస్తున్నారు. పూజా హెగ్డే నటించిన రాధేశ్యామ్, మోస్ట్ ఎలిజిబుల్ బ్యాచిలర్ సినిమాలు త్వరలో రిలీజ్ కానున్నాయి. తెలుగులో పూజా హెగ్డే నటించబోయే కొత్త సినిమాలకు సంబంధించిన వివరాలు తెలియాల్సి ఉంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్