ఆ పాత్రలో పూజా హెగ్డే మెప్పించగలదా ?

ముకుంద సినిమాతో తెలుగులోకి అడుగుపెట్టిన పూజా హెగ్డే పక్కింటి అమ్మాయిగా పేరు తెచ్చుకుంది. ఆ తర్వాత చేసిన ‘ఒక లైలా కోసం’లో కూడా చక్కని నటనతో ఆకట్టుకుంది. అయితే దువ్వాడ జగన్నాథం లో స్టైల్ మార్చింది. గ్లామర్ డోస్ పెంచి స్టెప్పులతో అదరగొట్టింది. దీంతో వరుసగా ఆఫర్లు వచ్చాయి. రంగస్థలంలో చరణ్ తో కలిసి ఓ ప్రత్యేక పాటలో అందాలు ఆరబోసింది. అలాగే శ్రీవాస్ డైరెక్షన్‌లో తెరకెక్కుతోన్న సాక్ష్యం సినిమాలో హీరోయిన్ గా సైన్ చేసింది. బెల్లంకొండ శ్రీనివాస్ హీరోగా నటిస్తున్న మూవీ ప్రస్తుతం రామోజీ ఫిలిం సిటీలో షూటింగ్ జరుపుకుంటోంది. ఇందులో ఆమె పాత్ర గురించి బయటికి వచ్చింది.

ఒక మిడిల్ క్లాస్ బ్రాహ్మిన్ అమ్మాయిగా కనిపించనున్నట్లు తెలిసింది. ఈ రోల్‌ని ప్రత్యేకంగా పూజా కోసమే డిజైన్ చేసినట్లు చిత్ర బృందం వెల్లడించింది. ఈ రోల్‌ ను పూజా ఛాలెంజింగ్ గా తీసుకున్నట్లు సమాచారం. అందుకోసమే డిజైనర్ నీత లుల్లా తో దుస్తులను డిజైన్స్ చేయించుకుంది. ఈ రోల్ తో మరిన్ని అవకాశాలు అందుకోవాలని కష్టపడుతోంది. అభిషేక్ పిక్చర్స్ పతాకంపై ప్రముఖ నిర్మాత అభిషేక్ నామా నిర్మిస్తున్న ఈ డిఫరెంట్ యాక్షన్ ఎంటర్ టైనర్‌ను మే 11న ప్రపంచవ్యాప్తంగా విడుదల చేయనున్నారు.