Prabhakar, Chandrahaas: కొడుకు బూతు పాటకి క్షమాపణలు చెప్పిన ప్రభాకర్

ఇటీవల ఈటీవీ ప్రభాకర్ అలియాస్ బుల్లితెర మెగాస్టార్ గా అందరికీ సుపరిచితుడైన ప్రభాకర్ కుమారుడు చంద్రహాస్ “బరాబర్ ప్రేమిస్తా” ప్రీరిలీజ్ ఈవెంట్లో నోటికొచ్చిన బూతులతో పాట పాడిన విషయం తెలిసిందే. ఆ మేటర్ తర్వాత బాగా వైరల్ అయ్యింది. ముఖ్యంగా కొందరు ఈ విషయమై చంద్రహాస్ వ్యక్తిత్వాన్ని నిలదీయడమే కాక, ప్రభాకర్ పెంపకాన్ని కూడా ప్రశ్నించారు. ఆ తర్వాత చంద్రహాస్ తన బూతులను సమర్థించుకుంటూ మరో వీడియో చేయడం అనేది హాస్యాస్పదంగా మారింది.

Prabhakar, Chandrahaas

అయితే.. “బరాబర్ ప్రేమిస్తా” సినిమా నిన్న విడుదలవ్వగా, చంద్రహాస్ థియేటర్ వద్ద కన్నీళ్లు పెట్టుకున్న వీడియో సోషల్ మీడియాలో వైరల్ అయ్యింది. ఇప్పుడు ప్రభాకర్ కూడా ఎట్టకేలకు ఈ విషయమై స్పందించారు. తాను తన కొడుక్కి మంచి బుద్దులే చెప్పానని, బూతులు మాట్లాడడం ముమ్మాటికీ తప్పే, అయితే.. ఆ తప్పును వేలెత్తి చూపుతూ జనాలు మరిన్ని బూతులు మాట్లాడుతున్నారని, అది సమాజానికి మంచిది కాదని, తన కుమారుడు విషయంలో బేషతరుగా క్షమాపణలు కోరుతున్నానని, భవిష్యత్తులో ఇలాంటివి జరగకుండా చూసుకుంటానని ప్రభాకర్ ఓ వీడియో రూపంలో తెలిపారు.

అయితే.. డ్యామేజ్ మొత్తం జరిగిపోయాక, ఇంత లేట్ గా రెస్పాండ్ అవ్వడం అనేది ఇంచుమించుగా వేస్ట్ అనే చెప్పాలి. ఎందుకంటే ఈ సినిమా నిన్న విడుదలైన విషయం చంద్రహాస్ ఏడుస్తున్న వీడియో బయటికి వచ్చేవరకు ఎవరికీ తెలియదు కూడా. అలాగే.. చెప్పుకోదగ్గ వెబ్ సైట్లు ఎందులోనూ రివ్యూలు కూడా పడలేదు. చంద్రహాస్ ఇప్పటికైనా సినిమాకి పనికొచ్చే పబ్లిసిటీ మాత్రమే చేస్తూ, తనను తాను కంట్రోల్లో పెట్టుకోకపోతే.. అతడ్ని జనాలు హీరోగా కాదు కదా, కనీసం నటుడిగా గుర్తించడం కూడా మానేస్తారు. ప్రభాకర్ ఈ డ్యామేజ్ ను ఎలా మ్యానేజ్ చేస్తారో చూడాలి.

 

View this post on Instagram

 

A post shared by Prabhakar Podakandla (@prabhakarpodakandla)

వెంకీ- అనిల్ రావిపూడి.. ఓ బావ బావమరిది కథ?