డైరెక్టర్ రాధా కృష్ణ ప్రభాస్ తో ఓ పీరియాడిక్ లవ్ స్టోరీ తెరకెక్కిస్తున్న సంగతి తెలిసిందే. అనేక కారణాల చేత వాయిదాపడుతూ వస్తున్న ఈ చిత్ర షూటింగ్ ఇటీవలే వేగం పుంజుకుంది. అందుకే ప్రపంచం మొత్తం కరోనా వైరస్ కి బయపడి షూటింగ్ షెడ్యూల్స్ ఆపివేస్తే ప్రభాస్ టీం మాత్రం జార్జియా దేశంలో ప్రతికూల పరిస్థితుల మధ్య షూటింగ్ నిర్వహించారు. ఓ వైపు వర్షం, ఎముకలు కొరికేసే చలిలో షూటింగ్ నిర్వహిస్తున్నట్లు సోషల్ మీడియా వేదికగా దర్శకుడు రాధా కృష్ణ తెలియజేశారు. కాగా జార్జియా షెడ్యూల్ పూర్తి చేసినట్లు కూడా ఆయన చెప్పడం జరిగింది.
ఇక ఫస్ట్ లుక్ విడుదల చేయనున్నట్లు రాధా కృష్ణ హింట్ ఇచ్చారు. త్వరలో ప్రభాస్ ఫస్ట్ లుక్ విడుదల చేస్తున్నాం అని ఆయన చెప్పడంతో.. త్వరలో అంటే ఉగాది అని ఫ్యాన్స్ ఫిక్సయిపోయారు. దగ్గర్లో ఉన్న తెలుగు వారి పండుగ ఉగాది కానుకగా ప్రభాస్ మూవీ ఫస్ట్ లుక్ వచ్చేస్తుందని వారు భావిస్తున్నారు. ఇక ఈ మూవీ టైటిల్ కూడా అదే రోజు వచ్చే సూచనలు కనిపిస్తున్నాయి. యూవీ క్రియేషన్స్ ఈ చిత్రాన్ని భారీ బడ్జెట్ తో నిర్మిస్తున్నారు. పూజ హెగ్డే మొదటిసారి ప్రభాస్ కి జంటగా నటిస్తుంది. హిందీలో కూడా ఈ మూవీ విడుదల కానున్న నేపథ్యంలో నటి భాగ్యశ్రీ కీలక రోల్ చేస్తున్నారు.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
