Prabhas: ప్రభాస్, పవన్ మధ్య పోటీ షురూ!

July 30, 2021 / 01:01 PM ISTByFilmy Focus

Join Us

స్టార్ హీరో ప్రభాస్ నటించిన సాహో సినిమా రిలీజై దాదాపు రెండు సంవత్సరాలు అవుతోంది. ప్రభాస్ ఫ్యాన్స్ రాధేశ్యామ్ రిలీజ్ కోసం ఆసక్తిగా ఎదురుచూస్తున్నారు. మొదట ప్రకటించిన డేట్ ప్రకారం రాధేశ్యామ్ ఈరోజు రిలీజ్ కావాల్సి ఉండగా కరోనా ఫస్ట్ వేవ్, సెకండ్ వేవ్ వల్ల షూటింగ్ వాయిదా పడింది. దాదాపు 250 కోట్ల రూపాయల బడ్జెట్ తో తెరకెక్కిన సినిమా కావడంతో రాధేశ్యామ్ మేకర్స్ సంక్రాంతికి జనవరి 14వ తేదీన ఈ సినిమాను రిలీజ్ చేయాలని ఫిక్స్ అయ్యారు.

ఈ సినిమాలో ప్రభాస్ విక్రమాదిత్య పాత్రలో నటిస్తుండగా పూజా హెగ్డే ప్రేరణ పాత్రలో నటిస్తున్నారు. నిజ జీవిత ఘటనలతో దర్శకుడు రాధాకృష్ణ కుమార్ ఈ సినిమా కథను సిద్ధం చేశారని వార్తలు వస్తుండగా ఆ వార్తలో నిజానిజాలు తెలియాల్సి ఉంది. మరోవైపు సంక్రాంతి బరిలో ఇప్పటికే మహేష్ నటిస్తున్న సర్కారు వారి పాట, పవన్ నటిస్తున్న అయ్యప్పనుమ్ కోషియమ్ రీమేక్ ఉన్నాయి. ఈ సినిమాలపై కూడా భారీగా అంచనాలు ఉన్నాయి.

తాజాగా అయ్యప్పనుమ్ కోషియమ్ మూవీ మేకర్స్ సంక్రాంతికే ఈ సినిమాను రిలీజ్ చేస్తున్నామని కన్ఫామ్ చేశారు. పవన్, ప్రభాస్ మధ్య పోటీ షురూ అయినట్టేనని చెప్పవచ్చు. మహేష్ సంక్రాంతి పోటీ నుంచి తప్పుకుంటారా..? లేదా..? అనే ప్రశ్నకు సమాధానం తెలియాలంటే ఆగష్టు 9వ తేదీ వరకు ఆగాల్సిందే. ఆగష్టు 9వ తేదీన సర్కారు వారి పాట ఫస్ట్ లుక్ రిలీజ్ కానుండటంతో పాటు రిలీజ్ డేట్ గురించి స్పష్టత రానుంది. సర్కారు వారి పాట, అయ్యప్పనుమ్ కోషియమ్ రీమేక్ లలో ఒక సినిమా డిసెంబర్ మూడవ వారంలో రిలీజయ్యే అవకాశాలు ఉన్నాయని సమాచారం.