Prabhas: స్టార్‌ హీరోయిన్‌పై ప్రభాస్‌ కామెంట్స్‌ వైరల్‌… ఇంకా ఏమన్నాడంటే?

దేశంలో ఇప్పుడు బిగ్గెస్ట్‌ స్టార్‌ ఎవరు అంటే… చాలామంది చెప్పే పేరు ప్రభాస్‌. ఇటీవల కాలంలో సరైన విజయాలు లేవు కానీ.. అన్ని భాషల సినిమా పరిశ్రమల్లోనూ ప్రభాస్‌ సినిమాకు మంచి వసూళ్లు వచ్చాయి. ‘బాహుబలి’ సినిమాలు తెచ్చిన క్రేజ్‌ను ‘సాహో’ సినిమా ఇంకా ఎక్కువ నిలబెట్టింది. ఆ సినిమా తెలుగు పరిశ్రమలో బాగా ఆడకపోయినా.. బాలీవుడ్‌లో మాత్రం భలే పేరు తెచ్చుకుంది. సినిమాకొచ్చిన వసూళ్లలో అక్కడివే ఎక్కువ అంటారు. ఇప్పుడు ఇదంతా ఎందుకు అనుకుంటున్నారా? అంతటి ప్రభాస్‌.. ఇప్పుడు ఓ నటి గురించి గొప్పగా మాట్లాడారు.

ప్రభాస్‌ (Prabhas) మరే హీరోయిన్‌ గురించి మాట్లాడకూడదు అంటున్నారా ఏంటి? అనే ప్రశ్న వేయకముందే.. ఇప్పుడు ప్రభాస్ అలా అన్న మాటలు వైరల్‌ అయ్యాయి అని చెప్పే ప్రయత్నం చేస్తున్నారు. అంతగా ప్రభాస్‌ ఎవరి గురించి చెప్పారు అంటే.. దీపికా పడుకొణె గురించింది. అవును ‘కల్కి 2898 ఏడీ’ సినిమాలో తనతో నటిస్తున్న దీపిక గురించే. పాన్‌ ఇండియా సినిమాగా స్టార్ట్‌ అయ్యి.. ఇప్పుడు ప్రపంచ సినిమాగా మారింది. ఈ నేపథ్యంలో ఓ అంతర్జాతీయ మీడియాతో ప్రభాస్‌ మాట్లాడాడు. ఈ నేపథ్యంలోనే దీపిక గురించి మాట్లాడాడు.

దీపికా పడుకొణె చాలా అందంగా ఉంటుంది. అద్భుతమైన నటి కూడా. ఇప్పటికే ఆమె వరల్డ్‌ ఫేమస్‌. అలాంటి ఆమె ‘కల్కి’ సినిమా సెట్స్‌లోకి అడుగుపెట్టినప్పుడు అందరిలో ఉత్సాహం వచ్చేస్తుంది. ఆమె సెట్స్‌కి రాగానే ఏదో తెలియని ఎనర్జీ కనిపిస్తుంది. దీపికతో నటించాలని ఎప్పటినుండో అనుకునేవాడిని. ఇప్పటికి ‘కల్కి’ సినిమాతో ఆ అవకాశం దొరికింది అని దీపికను ఇంచుమించు ఆకాశానికెత్తేశాడు ప్రభాస్‌. దీంతో ఆమెకు బాలీవుడ్‌లో కూడా ఈ స్థాయి ప్రశంసలు రాలేదేమో అనే కామెంట్స్‌ కూడా వినిపించాయి.

సైన్స్‌ ఫిక్షన్‌ నేపథ్యంలో దర్శకుడు నాగ్‌ అశ్విన్‌ ‘కల్కి’ సినిమాను తెరకెక్కిస్తున్నారు. అమితాబ్‌ బచ్చన్‌, కమల్‌ హాసన్‌ కీలక పాత్రలు పోషిస్తున్నారు. ఈ సినిమాకి సీక్వెల్‌ ఉంటుందంటూ ప్రచారం జరగ్గా.. ఇటీవల ఆ పుకార్లపై దర్శకుడు నాగ్‌ అశ్విన్‌ స్పందించారు. ప్రస్తుతానికి అలాంటి ఆలోచనలేదీ లేదని తేల్చేశారు. అయితే సినిమా కోసం క్రియేట్‌ చేసిన పాత్రలు, వాహనాలతో యానిమేటెడ్‌ వెర్షన్‌ చేయొచ్చని చెప్పారు.

ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!

‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?