‘ప్రాజెక్ట్ కె’ సినిమా ప్రచారాన్ని చిత్రబృందం ఇటీవల స్టార్ట్‌ చేసింది. కామిక్‌ కాన్‌లో సినిమాకు సంబంధించిన కీలక విషయాలు వెల్లడిస్తాం అని కూడా చెప్పారు. ఈ క్రమంలో టైటిల్‌ అనౌన్స్‌ చేస్తారు అని కూడా అంటున్నారు. ఆ విషయం పక్కన పెడితే.. ఈ సినిమాకు సంబంధించి ఉచిత టీ షర్ట్‌లు ఇస్తాం అంటూ ఓ లింక్‌ను టీమ్‌ ఇటీవల బయటకు రిలీజ్ చేసింది. అయితే ఇందులో ఎంతమందికి టీషర్ట్‌లు వచ్చాయో తెలియదు కానీ.. సోషల్‌ మీడియాలో మాత్రం ఇది సరైన పని కాదు అంటూ పెద్ద ఎత్తున చర్చ నడుస్తోంది.
‘వాట్ ఈజ్ ప్రాజెక్ట్ K’ పేరుతో ఈ సినిమా ప్రచారాన్ని మొదలుపెట్టారు. టీమ్‌ నిర్దేశించిన సమయంలో ‘వాట్ ఈజ్ ప్రాజెక్ట్ K’ అని రాసున్న టీ షర్ట్స్ ఫ్రీగా ఆర్డర్ చేసుకోవచ్చని చెప్పారు. దీని కోం ఓ లింక్ కూడా ఇచ్చారు. ఓ నాలుగుసార్లు డ్రాప్‌ పేరుతో ఈ లింక్ యాక్టివ్‌ చేశాం అని అంటున్నారు. అయితే లింక్ క్లిక్ చేస్తే సర్వర్ ఎర్రర్ అని చూపించింది అని నెటిజన్లు అంటున్నారు. అసలు సైట్ ఓపెన్ కాకుండా నాలుగు నిమిషాల తర్వాత స్టాక్ అయిపోయిందని ప్రకటించారని నెటిజన్లు విమర్శిస్తున్నారు.
సైటే ఓపెన్ కాకుండా.. స్టాక్ అయిపొవడమేంటీ? ఇది పెద్ద స్కామ్, అంటూ ప్రభాస్ ఫ్యాన్స్ కొంతమంది ఈ సినిమా నిర్మాణ సంస్థ వైజయంతీ మూవీస్‌ ట్విటర్‌ పేజీలో కామెంట్స్‌ చేస్తున్నారు. ఇది కేవలం ప్రమోషనల్ ట్రిక్, కనీసం వేలల్లో కూడా టీ షర్ట్స్ ఇచ్చి ఉండరని కూడా అంటున్నారు. ఇక ఈ సినిమా సంగతి చూస్తే. రూ. 500 కోట్ల బడ్జెట్‌తో సినిమా రూపొందిస్తున్నారని సమాచారం. ప్రభాస్, దీపికా పడుకొణె, అమితాబ్‌ బచ్చన్‌, కమల్‌ హాసన్‌ తదితరులు నటిస్తున్నారు.
ఇక ఈ సినిమాను రెండు పార్టులుగా రిలీజ్ చేస్తారు అనేది మరో పుకారు. దీనిపై కామిక్‌ కాన్‌లో ఏమైనా వివరాలు చెబుతారేమో చూడాలి. ఈ ఈవెంట్‌ శాన్‌ డియాగోలో ఈ నెల 20 నుండి 23 వరకు జరుగుతుంది. అక్కడ ఏం సర్‌ప్రైజ్‌లు ఉన్నాయో డైరక్టర్‌ నాగ్‌ అశ్వినే చెప్పాలి.
‘జవాన్’ ట్రైలర్ పై ట్రెండ్ అవుతున్న 15 మీమ్స్!
ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!
