ప్రభాస్ మారుతి కాంబినేషన్ లో భారీ బడ్జెట్ తో ఒక సినిమా తెరకెక్కుతున్న సంగతి తెలిసిందే. ఈ సినిమా పరిమిత బడ్జెట్ తో తెరకెక్కుతోందని మొదట వార్తలు వినిపించినా తెలుస్తున్న సమాచారం ప్రకారం 300 కోట్ల రూపాయల అత్యంత భారీ బడ్జెట్ తో ఈ సినిమా తెరకెక్కుతోంది. ఈ సినిమా విజువల్ ఎఫెక్ట్స్ కోసమే 150 కోట్ల రూపాయలు ఖర్చు చేస్తున్నారని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది.
పీపుల్స్ మీడియా ఫ్యాక్టరీ బ్యానర్ పై ఈ సినిమా తెరకెక్కుతుండగా ఈ సినిమా నిర్మాతలు ఖర్చు విషయంలో రాజీ పడటం లేదు. మారుతి కెరీర్ ఒక విధంగా ఈ సినిమాపై ఆధారపడి ఉంది. ఇప్పటివరకు మిడిల్ రేంజ్ సినిమాలను తెరకెక్కించిన మారుతి ఈ సినిమాతో స్టార్ డైరెక్టర్ల జాబితాలో చేరతారని ఫ్యాన్స్ ఫీలవుతున్నారు. ప్రభాస్ మారుతి కాంబో మూవీ నెక్స్ట్ లెవెల్ స్క్రిప్ట్ తో తెరకెక్కుతోంది.
ప్రభాస్ కటౌట్ కు ఎంతైనా ఖర్చు పెట్టవచ్చని మరి కొందరు సోషల్ మీడియా వేదికగా కామెంట్లు చేస్తున్నారు. ప్రభాస్ మారుతి కాంబో మూవీ కూడా పాన్ ఇండియా మూవీగా రిలీజ్ కానుందని సమాచారం అందుతోంది. వచ్చే ఏడాది సెకండాఫ్ లో ఈ సినిమా రిలీజయ్యే ఛాన్స్ ఉంది. ఈ సినిమాకు భారీ స్థాయిలో ప్రమోషన్స్ చేయనున్నారని సమాచారం అందుతోంది. ప్రభాస్ మార్కెట్ రాబోయే రోజుల్లో మరింత పెరిగే ఛాన్స్ అయితే ఉంది.
ప్రభాస్ (Prabhas) సలార్ సినిమా ప్రమోషన్స్ లో పాల్గొంటే ప్రభాస్ కొత్త సినిమాలకు సంబంధించి మరింత క్లారిటీ వచ్చే ఛాన్స్ ఉంది. ప్రభాస్ 2023, 2024 సంవత్సరాలలో బాక్సాఫీస్ ను ఏ రేంజ్ లో షేక్ చేస్తారో చూడాల్సి ఉంది. ప్రభాస్ ప్రస్తుతం నటిస్తున్న సినిమాల బడ్జెట్ 200 కోట్ల రూపాయల కంటే ఎక్కువ కావడం గమనార్హం.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
