పాన్ ఇండియా స్టార్ ప్రభాస్ (Prabhas) పెండింగ్ ప్రాజెక్టులు కూడా పెరిగిపోతున్నాయి. ప్రస్తుతం ప్రభాస్ ‘ది రాజాసాబ్’ (The Rajasaab) ‘ఫౌజి’ సినిమాల షూటింగ్లను ఫినిష్ చేయాలి. ఆ తర్వాత ‘సలార్ 2’ ‘కల్కి 2’ లైన్లో ఉన్నాయి. వీటి మధ్యలో ‘స్పిరిట్’ (Spirit) కూడా కంప్లీట్ చేయాల్సి ఉంది. కానీ ప్రభాస్ ప్రస్తుతం ఈ సినిమా షూటింగ్లకి అందుబాటులో ఉండటం లేదు అనే కంప్లైంట్ ఎక్కువగా వినిపిస్తుంది. ఈ మధ్య ప్రభాస్ ఎక్కువగా విదేశాల్లోనే ఉంటున్నాడు.
దీంతో ప్రభాస్ ఎప్పుడూ ‘చిల్ మోడ్’ లోనే ఉంటున్నాడు అని కొందరు అనుకుంటున్నారు. మరికొంతమంది అయితే ‘ప్రభాస్ హెల్త్ బాగోకపోవడం వల్ల విదేశాల్లో చికిత్స పొందుతున్నట్లు’ చెప్పుకుంటున్నారు. ఇలా చెప్పుకోవడానికి కారణాలు కూడా లేకపోలేదు. ‘రాజాసాబ్’ సినిమాని ఏప్రిల్ 10న విడుదల చేస్తున్నట్లు ప్రకటించారు. కానీ ఆ టైంకి రిలీజ్ చేయలేదు. దీనిపై డిస్ట్రిబ్యూటర్లు.. నిర్మాతలను ఆరాతీయగా.. వారు ‘ప్రభాస్ హెల్త్ బాగోకపోవడం వల్ల షూటింగ్ కంప్లీట్ అవ్వలేదు’ అని చెప్పారట.
ఇదిలా ఉంటే.. ఈ మధ్యనే ప్రభాస్ విదేశాల నుండి హైదరాబాద్ కి తిరిగొచ్చాడు. ‘ది రాజాసాబ్’ ‘ఫౌజి’ సినిమాలకి డేట్స్ కూడా ఇచ్చాడు. దీంతో ‘ది రాజాసాబ్’ షూటింగ్ ను అజిజ్ నగర్ లో ఏర్పాటు చేశారు. అలాగే ‘ఫౌజి’ షూటింగ్ ను రామోజీ ఫిలిం సిటీలో ఏర్పాటు చేశారు. అయితే ఈ 2 సినిమాల షూటింగులకు ప్రభాస్ హాజరు కాలేదు అనే గాసిప్స్ ఇప్పుడు వినిపిస్తున్నాయి.
కానీ వాస్తవానికి ప్రభాస్.. ‘ఫౌజి’ షూటింగ్లో పాల్గొంటున్నాడట. కొంతమంది స్టార్ క్యాస్ట్ తో కాంబినేషనల్ సీన్స్ తీస్తున్నారట. ‘ది రాజాసాబ్’ షూటింగ్ ప్రభాస్ లేని పోర్షన్ ను మిగిలిన ఆర్టిస్టులతో చిత్రీకరిస్తున్నాడట మారుతి (Maruthi Dasari). మరో 2 రోజుల్లో ప్రభాస్ కూడా ఆ సినిమా షూటింగ్లో జాయిన్ అయ్యే అవకాశాలు ఉన్నాయని టాక్ వినిపిస్తుంది.
Home