‘ది రాజాసాబ్’ సినిమా ఇచ్చిన షాక్ తో ప్రభాస్(Prabhas) గట్టిగానే జాగ్రత్త పడుతున్నాడు. ఈ క్రమంలో తన నెక్స్ట్ ప్రాజెక్ట్స్ విషయంలో అతని కేరింగ్ కూడా పెరిగిందనే చెప్పాలి. ప్రస్తుతం ప్రభాస్ ‘స్పిరిట్’ ‘ఫౌజీ’ సినిమాల షూటింగ్స్ లో పాల్గొంటున్నాడు.
ఇందులో ‘స్పిరిట్’ పై భారీ అంచనాలు ఉన్నాయి. ‘ఫౌజీ’ పై ఆడియన్స్ కి పెద్దగా ఇంట్రెస్ట్ లేదు కానీ.. తక్కువ అంచనా వేసే ప్రాజెక్టు అయితే కాదు అనే నమ్మకం ప్రభాస్ అభిమానుల్లో ఉంది.
ఈ 2 సినిమాల షూటింగ్లకి సంబంధించిన మేజర్ షెడ్యూల్స్ పూర్తయ్యాక.. ‘కల్కి 2’ షూటింగ్లో జాయిన్ అవుతాడు ప్రభాస్. అటు తర్వాత ‘సలార్ 2’ కూడా కంప్లీట్ చేయాల్సి ఉంది. అయితే మధ్యలో ‘హనుమాన్’ దర్శకుడు ప్రశాంత్ వర్మతో కూడా ప్రభాస్ ఓ సినిమా చేయడానికి గ్రీన్ సిగ్నల్ ఇచ్చాడు. అన్నపూర్ణ స్టూడియోస్ లో లుక్ టెస్ట్ కూడా నిర్వహించినట్టు టాక్ వినిపించింది. ఇది కూడా మైథాలజీ సబ్జెక్ట్ అనే ప్రచారం కూడా నడిచింది.
ఇది క్రేజీ కాంబినేషనే..! కానీ ప్రభాస్ కి ఎందుకో ఈ ప్రాజెక్టుపై ఇంట్రెస్ట్ లేనట్టు టాక్ నడుస్తుంది. ‘లార్జర్ ధేన్ లైఫ్’ కథలు చేయడానికి ప్రభాస్ రెడీనే..! కాకపోతే మైథాలజీ సబ్జెక్టులంటే ప్రభాస్.. ఒకటికి రెండు సార్లు ఆలోచిస్తున్నాడట. ‘కన్నప్ప’ లో శివుడి పాత్ర చేయాలని మంచు విష్ణు కోరినప్పటికీ వేరే పాత్రని ఎంపిక చేసుకున్నాడు. బహుశా ‘ఆదిపురుష్’ ఫలితంతో ప్రభాస్ ఆలోచన మారి ఉండొచ్చు. ఇప్పుడు ప్రశాంత్ వర్మ సినిమా విషయంలో కూడా ప్రభాస్ ఇలాగే ఆలోచిస్తున్నట్టు ఇన్సైడ్ టాక్.
