ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో తెరకెక్కుతున్న కల్కి 2898 ఏడీ (Kalki 2898 AD) మూవీ విడుదలైన తర్వాత రాజాసాబ్ (The Rajasaab) సినిమాకు సంబంధించిన ప్రమోషన్స్ మొదలుకానున్నాయి. రాజాసాబ్ సినిమాలో సంజయ్ దత్ (Sanjay Dutt) నటించనున్నారని ఇప్పటికే వార్తలు ప్రచారంలోకి వచ్చిన సంగతి తెలిసిందే. రిద్ది కుమార్(Riddhi Kumar) , నిధి అగర్వాల్ (Nidhhi Agerwal) , మాళవిక మోహనన్ (Malavika Mohanan) ఈ సినిమాలో హీరోయిన్లుగా నటిస్తుండటం గమనార్హం. ఈ సినిమాలో సంజయ్ దత్ ప్రభాస్ తాతగా కనిపిస్తారని భోగట్టా. ఆత్మ రూపంలో సంజయ్ దత్ ప్రభాస్ తో మాట్లాడతారని సంజయ్ దత్ చెప్పిన విషయాలు ప్రభాస్ జీవితాన్ని మలుపు తిప్పుతాయని తెలుస్తోంది.
సంజయ్ దత్ ఆత్మగా ప్రభాస్ తో ఏం చేస్తాడు? రాజాసాబ్ మూవీ సీరియస్ గా ఉంటుందా? లేక ఎంటర్టైన్మెంట్ తో ఉంటుందా? అనే ప్రశ్నలకు జవాబు దొరకాలంటే సినిమా రిలీజ్ వరకు ఆగాల్సిందే. ప్రభాస్ సంజయ్ దత్ కాంబో సీన్స్ మాత్రం అదుర్స్ అనేలా ఉంటాయని సమాచారం అందుతోంది. రాజాసాబ్ సినిమా నుంచి టీజర్ లేదా గ్లింప్స్ విడుదలైతే ఈ సినిమా ఎలా ఉండబోతుందనే ప్రశ్నకు సంబంధించి జవాబు దొరికే ఛాన్స్ అయితే ఉంటుందని చెప్పవచ్చు.
ప్రభాస్ ఇతర సినిమాలకు ఏ స్థాయిలో ఖర్చు అవుతుందో రాజాసాబ్ సినిమాకు కూడా అదే స్థాయిలో ఖర్చు అవుతోందని తెలుస్తోంది. రాజాసాబ్ సినిమాలో ప్రభాస్ కోరుకునే అన్ని అంశాలు ఉంటాయని సమాచారం అందుతోంది. ఈ సినిమాలో యాక్షన్ సీన్స్ కు కూడా ఎక్కువగానే ప్రాధాన్యత ఉండనుందని తెలుస్తోంది.
ప్రభాస్ ఈ సినిమాకు 75 కోట్ల రూపాయల రేంజ్ లో పారితోషికం అందుకున్నారని ఒకేసారి ఈ మొత్తం ప్రభాస్ కు ఇచ్చారని తెలుస్తోంది. పీపుల్స్ మీడియా నిర్మాతలు ఖర్చు విషయంలో ఏ మాత్రం రాజీ పడకుండా సినిమాలను భారీ రేంజ్ లో నిర్మిస్తున్నారు. రాజాసాబ్ మూవీ కోసం కూడా ఆసక్తిగా ఎదురుచూస్తున్నామని ఫ్యాన్స్ చెబుతున్నారు.
