దక్షిణాది సినీ పరిశ్రమలో నంబర్ వన్ స్థానం ప్రభాస్ దక్కించుకున్నారు. అవును నిజం. అయితే ఇది బాహుబలి సినిమాతో సొంతం కాలేదు. ఎందులో తెలియాలంటే వివరాల్లోకి వెళ్ళాసిందే… టాలీవుడ్‌లోనే కాదు దక్షిణాదిన మోస్ట్ ఎలిజిబుల్ బ్యాచ్‌లర్స్ ఎవరు? అని ఆన్ లైన్ పోర్టల్ ఓ పోల్ నిర్వహించింది. ప్రపంచవ్యాప్తంగా జరిగిన ఈ ఓటింగ్‌లో ‘బాహుబలి’ ప్రభాసే అసలు సిసలైన బ్యాచ్‌లర్ అని ఓట్లు వేసేశారు. 34 శాతం ఓట్లతో.. ‘ద మోస్ట్ ఎలిజిబుల్ బ్యాచ్‌లర్’గా యంగ్ రెబెల్ స్టార్ ప్రభాస్ ఫస్ట్ ప్లేస్‌లో నిలిచారు. ఈ లిస్ట్‌లో ప్రభాస్ తర్వాతి స్థానంలో 32 శాతం ఓట్లతో ఉన్నాడు సిద్ధార్థ్.
లవర్ బోయ్‌గా సౌత్‌లో ఫుల్ క్రేజ్ తెచ్చుకున్న సిద్ధూ నార్త్‌లోనూ ‘రంగ్ దే బసంతి’ చిత్రంతో పాపులరయ్యాడు. ఈ మోస్ట్ ఎలిజిబుల్ బ్యాచ్‌లర్ లిస్ట్‌లో రానా 31 శాతం ఓట్లతో మూడో ప్లేస్ దక్కించుకున్నాడు. నాలుగో ప్లేస్ లో అందరినీ ఆశ్చర్య పరుస్తూ అక్కినేని ప్రిన్స్ అఖిల్ నిలిచాడు. ఈ విభాగంలో ప్రభాస్ నంబర్ వన్ నిలిచినా ఫ్యాన్స్ సంతోషంలో లేరు. ఈ సంవత్సరం ప్రభాస్ ఇంటి వాడైతే చూడాలని కోరుకుంటున్నారు.
Also, do SUBSCRIBE to our YouTube channel to get latest Tollywood updates.
