పాన్ ఇండియా హీరోగా స్టార్ హీరో ప్రభాస్ గుర్తింపును సంపాదించుకున్న సంగతి తెలిసిందే. ఈ మధ్య కాలంలో ప్రభాస్ అతిథి మర్యాదల గురించి వార్తలు తెగ వైరల్ అవుతున్నాయి. యూనిట్ సభ్యుల కోసం ప్రత్యేకమైన వంటకాలను చేయించి ప్రభాస్ వార్తల్లో నిలుస్తున్నారు. తాజాగా ప్రభాస్ శృతి హాసన్ కు ఊహించని విధంగా సర్‌ప్రైజ్‌ ఇచ్చారు. శృతి కొరకు ప్రభాస్ ఏకంగా 20 వంటకాలు చేయించారు. ప్రస్తుతం సలార్ మూవీ షూటింగ్ హైదరాబాద్ లో జరుగుతున్న సంగతి తెలిసిందే.
ప్రభాస్ గోంగూర మాంసం, చికెన్ బిర్యానీ, మటన్ బిర్యానీ, సాంబార్, కబాబ్, కర్రీ, వేర్వేరు రకాల పప్పులు, ఇతర వంటకాలతో శృతిహాసన్ కు సర్‌ప్రైజ్‌ ఇచ్చారు. ప్రభాస్ చేయించిన నోరూరించే వంటకాలు తనను థ్రిల్ కు గురి చేశాయని శృతి హాసన్ చెప్పుకొచ్చారు. ప్రభాస్ సర్‌ప్రైజ్‌కు సంతోషపడిన శృతిహాసన్ ప్రభాస్ కు ధన్యవాదాలు తెలిపారు. శృతిహాసన్ తన ఇన్స్టాగ్రామ్ స్టోరీ ద్వారా ఈ విషయాలను అభిమానులతో పంచుకున్నారు. ప్రభాస్, శృతి కలిసి నటిస్తున్న తొలి సినిమా సలార్ కాగా ఈ సినిమా తర్వాత తనకు ఆఫర్లు మరింత పెరుగుతాయని శృతి భావిస్తున్నారు.
స్టార్ డైరెక్టర్ ప్రశాంత్ నీల్ సలార్ సినిమాకు దర్శకత్వం వహిస్తున్నారు. ప్రభాస్ మంచి మనస్సు గురించి తెలిసి నెటిజన్లు ఆయనను డార్లింగ్ అంటూ సోషల్ మీడియాలో ప్రశంసిస్తున్నారు. ప్రభాస్ ఈ సినిమాతో పాటు రాధేశ్యామ్, ఆదిపురుష్, ప్రాజెక్ట్ కె సినిమాలలో నటిస్తున్నారు. రాధేశ్యామ్ షూటింగ్ ఇప్పటికే పూర్తి కాగా మిగిలిన సినిమాల షూటింగ్ పూర్తి కావాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
